Ушбу рукнимиздаги энг сўнгги янгиликлар билан таништиришда давом этамиз.
Кавани қайтадими?
ПСЖ ҳужумчиси Эдинсон Кавани ўз фаолиятини Италияда давом эттириши мумкин.
“Tuttosport” нашри берган хабарларга қараганда, “Наполи” Каванига йилига 7 миллион евро маош кўрсатилган шартнома таклиф қилади.
Бундан ташқари, клуб агар Кавани шартномага қўл қўйса,бонус тариқасида яна 7 миллион евро беришни ҳам режалаштирмоқда.
Эслатиб ўтамиз, Кавани ёзда эркин агент мақомини олади.
Брозович қоладими?
Миланнинг “Интер” клуби ярим ҳимоячиси Марсело Брозович ёзда “Манчестер Юнайтед”га ўтиши мумкинлиги ҳақида аввалроқ хабар берган эдик.
“Calciomercato” нашри берган хабарларга қараганда, “Интер” ўз футболчисини жамоада сақлаб қолишга қарор қилган.
Тез орада “Интер” хорватиялик футболчи билан янги шартнома имзлаши кутилмоқда.
Манба берган хабарларга суядиган бўлсак, “кўк-қоралар” 27 ёшли футболчининг тавон пулини 60 миллион евро этиб тайинлашади.
“Ливерпул” “Вердер” футболчисига қизиқмоқда
Англиянинг “Ливерпуль” жамоаси Бременнинг “Вердер” клуби ҳужумчиси Милот Рашиц билан шартнома тузишга яқин турибди.
“Bild” нашри берган хабарларга қараганда, “Мерсисайдликлар” 23 ёшли вингерни ўз сафига қўшиб олиш учун 35 миллион евро сарфлашга тайёр.
Агар “Вердер” Бундеслигадан тушиб кетса, ҳужумчининг нархи янада пасайиб кетиши мумкин.
“Рома” туркни сотишга тайёр
Римнинг “Рома” клуби ўз ҳужумчиси Женгиз Ундерни сотиб юборишга тайёр.
“Coriera della Sport” нашри берган хабарларга қараганда, римликлар мураббийлар штаби туркнинг ўйинидан қониқиш хосил қилмаяпти ва уни ёзда сотиб юборишга қарши эмас.
Эслатиб ўтамиз, аввалроқ ҳужумчи билан “Бавария”, “Интер”, “Арсенал” ва “Eвертон” жамоалари қизиқиш билдирган эди.
Бернард кетадиган кўринади
Ливерпульнинг “Эвертон” клуби ярим ҳимоячиси Бернард ёзги трансфер чоғида жамоасини ўзгартиши кутилмоқда.
Бу ҳақида “The Sun” нашри хабар тарқатган. Манбада ёзилишича, бразилиялик футболчи билан “Рома” клуби жиддий қизиқиб қолган.
Эслатиб ўтамиз, 27 ёшли футболчи бу мавсумда АПЛнинг 19 та учрашувида майдонга тушди ва ўз ҳисобига 3 та гол ва 2 та ассист ёзиб қўйди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
