Ўзбекитон терма жамоаси собиқ футболчиси айни дамда Ўзбекистон U-14 терма жамоаси бош мураийи Сервер Жепаров фарзанди билан 14 кунлик карантин муддатини ўтади. Бу ҳақда унинг ўзи “Инстаграм”даги саҳифасида маълум қилди.
“COVID-19. Махсус жиҳозланган контейнерларда 14 кун бўлдик. Президентимиз Шавкат Миромоновичга ўз ҳалқига ғамхўрлик қилаётгани учун ташаккур! Шахсан менинг фикримча, у ер зарур бўлган барча нарсалар билан жиҳозланган.
4 киши яшадик. Икки қаватли кроват ва тоза тўшак. Телевизор, кондиционер, ҳожатхона, душ, иссиқ ва совуқ сув, шаҳар телефони, чойнак қайнаган суви билан, сув қайнатишга махсус чойнак, пиёла, гигиена воситалари, тиш пастаси, чўткалар, ниқоблар, қўлқоплар, совун, шампун, тозаликни сақлаш учун челак ва латта бор.
Овқат кунига 3 маҳал берилди. Котлетлар, товуқ, гуруч, гречка, перловка, макаронлар, палов, сув, салатлар, олмалар, мандаринларнинг барчаси бир марталик идишларга солинган, бу эса карантин қоидаларига риоя қилинаётганидан дарак беради. Десертга чой ва ширин печеньелар, эрталабки нонуштага эса йогурт, тухум, бўтқа, сариёғ, пишлоқ, сосискалар берилди.
Мен чин дилдан биз билан бирга бўлган шифокорларга, хизмат кўрсатган ходимларга, кундалик муаммоларимизни ҳал қилганларга миннатдорчилик билдираман. Бу улар томонидан кўрсатилган ҳақиқий қаҳрамонлик.
Биз буни уддаладик, бу осон эмасди. Шароитлар яшашимизни осонлаштирди. Яна бир бор мамлакатимиз Президенти ҳамда унинг жамоасига ташаккур. Энди мен ва ўғлим уй карантинида бўламиз. Келинг, барчамиз биргаликда пандемияга қарши курашайлик. Фақатгина шу йўл билан COVID-19 вирусини енгишимиз мумкин”, дея ёзиб қолдирди Жепаров.
Матнда хатолик топсангиз, ўша хатони белгилаб, бизга жўнатинг (Ctrl + Enter).