Stadion.uz аввалроқ “Манчестер Юнайтед”ни тарк этиши керак бўлган футболчилар рўйхати билан таништириб ўтган эди. Энди навбат Италиянинг сўнгги йиллардаги энг кучли клуби “Ювентус”га!
Айни дамда, Турин суперклуби мусобақаларда иштирок этиш учу 23 футболчини аниқлаб олгандек туюлган эди. Шунга қарамай, айни дамда клубда ижрочилар сони керагидан ортиб кетгани рост. Бежизга жамоа қишда Эмре Жанни “Боруссия Дортмунд”га қўйиб юбормади. Қайсидир маънода жамоани тушунса бўлади. Гап шундаки, мавсум сўнггида клуб ижарага берган футболчилари ортга қайтарилади. Бундан ташқари Кулушевски, Лука Пеллегрини ва Кристиан Ромеро сингари келажаги порлоқ футболчилар учун ҳам ўйин амалиётини тақдим этиш жуда муҳим. Боз устига, клуб ёзда янги ижрочиларни (Саррининг талабига биноан) харид қилишни режа қилган. Шундай экан, клуб бир нечта футболчини сотишга мажбур. Хўш,улар кимлар? Ким Туринни тарк этиш учун биринчи рақамли номзод бўлиб турибди? Бугун шу саволларга қисқача жавоб бериб ўтамиз.
Маттиа Перин
Маттиа Буффоннинг ўрнини эгаллаши мумкин эди. Ҳатто клуб унга етарлича ўйин амалиётини ҳам тақдим этди. Афсуски, ундаги сурункали жароҳат барчасини барбод этди. Бечора дарвозабон кетма-кет 4 та операцияни бошидан ўтказгач, футбол билан хайрлашмоқчи ҳам бўлди, бироқ миллионлар ўйинига бўлган қизиқиш кучлилик қилди. Айни дамда, уни клуб ўзининг жонажон “Женоа” клубига ижарага бериб юборди.
Қаҳрамонимиз қишда бориб қўшилган жамоасида ўзини чакки намойиш этмади. Ажойиб сэйвлар ва қуруқ ўйинлардан сўнг, унда ўз кучига бўлган ишонч қайтган кўринади. Шундай экан, “Юве” ўз футболчисини сотиб юбориши мумкин. Боз устига, тез орада Буффоннингўрнини эгаллашга қодир дарвозабон сотиб олиш керак. Шундай экан, Перинни жамоада олиб қолишдан ҳеч қандай наф йўқ.
Даниел Ругани
Биринчилардан бўлиб коронавирусга чалинган ҳимоячи узоқ йиллардан бери “зебра”лар шарафини ҳимоя қилганига қарамай, ҳеч қачон асосий таркиб футболчисига айлана олмади. Бонуччи, Кьеллини, Де Лигт, Демирел сингари ижрочилар билан рақобатда енгилган ҳимоячини чемпион клуб олиб қолиши мантиққа тўғри келмайди.
Аллақачон 25 ёшни қаршилган қаҳрамонимиз бу мавсумда А Сериянинг атиги 3 та ўйинида майдонда кўриниш берди холос. У “Ювентус”нинг бешинчи рақамли ҳимоячисига айланиб бўлганини шундан ҳам англаш мумкин. Бундан ташқари, Руганига бўлган талаб бошқа клубларда мавжуд. Мисол учун “Зенит” уни ўз таркибида кўриш учун кичик бўлмаган суммани тўлашга расман тайёр эканлигини эълон қилди. Энг муҳими,ёзда “Женоа”да ижара асосида тўп сураётган Ромеро ортга қайтади. Клуб ёш иқтидорга имкон бериши учун ҳам Руганини трансферга қўйиши шарт.
Маттиа Де Шильо
Абадий келажаги порлоқ футболчилар қаторида қайд этилувчи қанот ҳимоячиси аллақачон 27 ёшга чиқиб бўлди. Унинг футболчи сифатида ўсишига ишониш жуда мушкул. Тўғри, Маттиа ўзи иштирок этган учрашувларда қўпол хатоларга йўл қўймайди, бироқ майдонда ярқ этиб кўзга ташланиб ҳам турмайди. Соддароқ қилиб айтганда, ўртача классдаги футболчи.
Агар, мавсум сўнгида ижарадаги Пеллегрини ортга қайтмаганида, Де Шильога бошқа жамоага ўтишни маслаҳат бермаган бўлар эдик. Агар Турин клуби таркибни ёшартиришни, жисмонан бақувват тажавузкор футболчини қўлга киритишни истаса Пеллегринига имкон бериши керак. Бунинг учун эса ўз фулбекларидан бўлмиш Де Шильони трансферга қўйиш талаб этилади. Қаҳрамонимиз ўзининг энг гуллаган даврларида ҳам алмаштириб бўлмас футболчи статусида бўлмаганини инобатга олсак, ундан келажакда мўъжиза кутишнинг ҳожати йўқ.
Миралем Пьянич
“Ювентус”да майдон марказидаги футболчилар танлови борасида имконият жуда катта. Ҳатто Эмре Жаннинг “Дортмунд”га ўтиб кетиши ҳам вариантлар сонига салбий таъсир ўтказа олмади. Ремзи, Бентанкур, Матюди, Хедира ва Рабиоклубда ўз ўйин пайтини кутмоқда. Боз устига, “зебралар” ёзда “Барселона”дан Артурни, “Лацио”дан Сергей Миленкович-Савични жамоага жалб этишни режа қилишган. Бундан ташқари, Канте, ПольПогба, ва ҳатто Вератти борасида ҳам миш-мишлар урчиб бормоқда.
Нима учун эффект бераётганярим ҳимоячи? Ўринли савол. Гап шундаки, Миралем 30 ёшдан ўтиб кетди. Эндиликда унинг ўйинида ҳам трансфер қийматида ҳам фақат ва фақат пасайиш кузатилади. У “Ювентус” учун ўзининг энг яхши йилларини бериб бўлди. Бошқачароқ қилб айтганда,у қайта ишлаб чиқаришнинг иложи йўқ маҳсулотга ўхшаб қолди. Унинг шартномаси 2023-йилда қадар мўлжалланганини инобатга олсак, нафи камроқ тегишини билиб туриб катта маош олувчи футболчини трансферга қўймасликнинг иложи йўқ. Пьянич, узоғи билан яна бир мавсумгина ўртача мавсум ўтказиши мумкин. Кейин уни 50 миллион уёқда турсин, ҳатто 20 миллионга ҳам пуллашнинг иложи бўлмай қолади. Бугун унга футбол бозорида эҳтиёж бор. Демак,трансфердан яхшигина пул ишлаб олиш орқали жамоага янги “қон қуйиш” керак.
Дуглас Коста
“Ювентус” сафидаги биллур футболчи. Охирига етмай қолган мавсумнинг ўзида нақд 3 бор жароҳат олиб сафдан узоқ муддатга тушиб қолган бразилиялик футболчи коронавирусдан сўнг яқинлашиб келиши кутилаётган кризис чоғида жамоага ортиқча юкка айланиши турган гап.
Унинг жамоага келтираётган нафи жуда кам. Маоши эса жуда баланд. Бразилиялик креатив ярим ҳимоячини ҳозир ҳам гранд жамоалар ўз сафида кўриш учун яхшигина сумма тўлашга тайёр. Хўш,нима учун Костани Туринда олиб қолиш керак? Албатта, сотувга қўйиш орқали ёзда каттароқ трансферлар учунпул йиғиш ўринли қарор бўлади. Қўшимчасига, “Парма”да жуда ишончли мавсум ўтказаётган ёш, кучга тўла ва ғалабаларга ўч Деян Кулешевский катта иштиёқ билан Туринга етиб келади. Бундан кўриниб турибдики, мавсумнинг ярмини жароҳатлар билан ўтказадиган футболчини сотиб юборишнинг айти пайти.
Гонсало Игуаин
Бонусларсиз ҳам йилига 7,5 миллион евро маош олаётган замонавий футболдаги энг омадсиз футболчига Турин клуби чидаб келишда давом этмоқда. Аргентиналик ҳужумчи аллақачон ортиқча вазн билан муаммоларга ўралашиб қолган. Боз устига, 32дан ошиб кетган ҳужумчидан энди тезкорлик ёки чаққонликни кутишдан ҳеч қандай наф йўқ. Ўтган мавсум бошида клуб уни сотиб юборишни истаса ҳам кетмаган ҳужумчи ёзда яна янги “ҳунар” кўрсатишга тайёрланмоқда.
Унинг отаси ва агенти берган хабарларга қараганда, Гансало шартномасининг якунига қадар жамоада қолмоқчи экан. Турин клуби нима қилиб бўлсада бунга йўл қолдириши керак эмас. Агар Чемпионлар лигасида зафар қучишни ва сифатли ҳужумчига эга бўлишни истаса, Игуаинни сотиб юбориш шарт! У бугунги рўйхатимиздагилар ичида клубдан кетиши керак бўлган биринчи рақамли номзод!
Киштиану Роналду
Бу мавзуда анча олдин суҳбатлашган эдик( Ronaldu qolishi kerekmi? Yoki Ketishi?.) Ўйлашимизча “Ювентус”нинг Роналдуни олиб қолиши учун ҳам, кетказиб юбориши учун ҳам етарлича сабаблари мавжуд. Беш бор “Олтин тўп”га эга чиққан португалиялик футболчининг Туринда қолиши ёки қолмаслиги борасида фикр алмашганимиз боис, алоҳида тўхталиб ўтишга ҳожат йўқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
