«Дунё мўъжизалари» – булар инсониятнинг олис тарихи давомида ўз миқёси, ғайриоддий дизайни, илғор муҳандислик ечимлари, шунингдек, ноодатий жойлашуви билан ҳайратга соладиган иншоотлардир. Улар орасида Искандария маёғи, Бобил осма боғлари, Родос ҳайкали, Aртемида ибодатхонаси, Зевс ҳайкали, Галикарнас даҳмаси, шунингдек, ушбу рўйхатдаги бугунги кунгача сақланиб қолган ягона мўъжиза – Миср эҳромлари сингари машҳур меъморчилик санъат асарлари мавжуд.
Aлбатта, инсоният тарихи «бутун сайёранинг олди» бўлган бошқа кўплаб иншоотларни билади ва турли тахминларга кўра 9 ва 12 «дунё мўъжизаси» мавжуд, аммо тарихчилар қабул қилган умумий версияда инсон закоси юқорида келтирилган 7 ёдгорлик орқали эътироф этилган.
Худди шу мантиқдан келиб чиққан ҳолда, 2008 йилда спорт журналистлари ва оддий спорт ихлосмандлари ўртасида дунё бўйлаб сўров ўтказилди, мақсад дунёнинг 7 та «спорт мўъжизаси»ни аниқлаш эди – уларнинг бари айни пайтда фаолият юритаётган бўлиши керак. Рейтингга асосан футбол иншоотлари киритилган, аммо футбол атрофида бирлашмаган бошқа спорт турлари вакиллари ҳам эҳтиромга сазовор бўлишди.
Шундай қилиб, эътиборингизга «дунёнинг 7 спорт мўъжизаси»ни тақдим этамиз!
1) Монте-Карлодаги «Формула-1» трассаси
1950 йилдан бери ўтказиб келинаётган «Монако Гран-приси» Монте-Карлода айнан шу йўлда бўлиб ўтади ва бу трасса ўз навбатида 1929 йилдан бери пойга йўли сифатида ишлатилади. Бу дунёдаги энг мураккаб йўллардан бўлиб, узунлиги 3,4 километрни ташкил этадиган ўнлаб муюлишлардан иборат.
2) «Камп Ноу» стадиони, Барселона
Европанинг энг кенг стадиони саналган «Барселона» футбол клубининг уй ўйингоҳи 98,772 мухлис сиғимига эга.
3) «Қуш уяси» стадиони, Пекин
2008 йилда Пекинда ўтган ёзги Олимпия ўйинлари муносабати билан Хитойда қурилган энг чиройли иншоот. «Қуш уяси»нинг бутун мажмуаси тахминан 20,4 га майдонни эгаллайди.
4) «Сантьяго Бернабеу» футбол стадиони, Мадрид
«Реал Мадрид» футбол клубининг уй стадиони, сиғими 80 354 кишигача.
5) «Жузеппе Меацца» стадиони, Милан
Италиянинг иккита клуби – AC Milan ва Inter Milanнинг уй стадиони. 83000 томошабин сиғади.
6) «Маракана» стадиони, Рио-де-Жанейро
Дунёдаги иккинчи энг катта стадион – бир вақтнинг ўзида 97000 футбол ишқибозини сиғдира олади. Бу иншоот Бразилиянинг икки – «Фламенго» ва «Флуминенсе» клубларига хизмат қилади.
7) Melbourne Cricket Ground аренаси, Мельбурн
Бу Aвстралиядаги энг катта ва 100000 кишига мўлжалланган дунёдаги энг йирик ва энг улкан стадион. Бундан ташқари, у энг баланд ёритиш устунлари билан машҳур.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
