«Брешия» президенти: «Балотеллидан кўнглимиз қолган»
Массимо Челлино айни вақтда «Брешия» сафида тўп тепаётган Марио Балоттели ҳақида фикрларини билдирди.
Эслатиб ўтамиз, А Сериянинг жорий мавсуми якунида клуб 29 ёшли форвард билан хайрлашиш эҳтимоли юқори.
"У ғалати йигит, биз ҳақимизда умуман ўйламайди. Шунинг учун унинг жамоадан кетишини оддий ҳол каби қабул қиламан. Биз Б Серияга равона бўлсак, Марио билан тузган шартномамиз автоматик тарзда бекор қилинади. Кейинги мавсумда эркин агентга айланиши мумкин. У бизга майдонда ёрдам бера олишига жуда ишонгандик. Шахсан мен Марио «Брешия»да ўзи учун янги нимадир ярата олишига ишонгандим. Ундан кўнглимиз қолган", — дея Челлинонинг сўзларини келтиради "Football Italia" нашри.
Ҳозирча А Сериянинг 26 тури ўтказилган. «Брешия» 17 ўриндаги жамоадан 9 очко ортда қолган ҳолда мусобақанинг охирги поғонасида бормоқда. Марио Балотелли 19 ўйинда 5 та гол урган.
Манба: footballhd.ru
Киритилди: 13:08, 28.05.2020. Ўқилди: 2071 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар