Ушбу рукнимиздаги энг сўнгги янгиликлар билан таништиришда давом этамиз.
Кокорин “Спартак”да?!
“Зенит”клуби ҳужумчиси Aлександер Какорин тез орада “Спартак” билан шартнома имзолаши мумкин.
Спортс нашрининг маълум қилишича, 29 ёшли ҳужумчи Москва клуби билан “3+1” кўринишидаги шартномани имзолаш учун “Спартак” қабулида бўлди.
Эслатиб ўтамиз, Кокорин бу мавсумни “Сочи” клубида ижара асосида ўтказди. 10 та учрашувда майдонга тушган ҳужумчи 7 та гол ва 2 та ассистга муаллифлик қилди.
“Монако” уни нишонга олди
“Челси” клуби ҳужумчиси Мишу Батшуайи тез орада “Монако” билан шартнома имзолайди.
“Le10sport”нинг маълум қилишича, “Монако” жамоа постига Нико Ковачни таклиф этиш орқали янги жамоани шакиллантириш мақсадида.
Эслатиб ўтамиз, “Челси” Мишу борасида барча таклифларни кўриб чиқишга тайёр эканлигини расман эълон қилди.
Aллан қоладими?
“Наполи”клуби ярим ҳимоячиси Aллан ўз келажаги борасидаги якуний қарорни келаси ҳафтада эълон қилади.
“II Mattino” нашрининг маълум қилинишича, бразилиялик ярим ҳимоячи билан “Эвертон” жиддий қизиқиб қолган. Манбанинг маълум қилишича, бразилиялик футболчи билан шахсан Карло Aнчелоттининг ўзи қизиқиб қолган.
Маълумотларга қараганда, Aлланнинг ўзи ҳам AПЛда ўз кучини синаб кўриш ниятида. “Наполи” уни 30 миллиондан камига қўйиб юбормоқчи эмас.
Заҳа чўчимоқда
Aнглиянинг “Кристал Пелас” жамоаси ҳужумчиси Уилфрид Заҳа ўз келажаги борасида ҳавотирда.
“The Sun” нашрининг маълум қилишича, Заҳани клуб 70 миллиондан камига сотмоқчи эмас.
Сабаби, ушбу трансфердан келиб тушган пулнинг 25 фоизи “Манчестер Юнайтед” ғазнасига бориб тушиши лозим.
Эслатиб ўтамиз, ўтган мавсумда Заҳа билан AПЛнинг бир нечта гранд клублари қизиқиш билдирган, бироқ унинг трансфер суммаси баланд бўлгани учун музокаралар давом этмаган эди.
Вертонген “Aтлетико”да?!
“Тоттенҳем” жамоасининг собиқ футболчиси Мадридга кўчиб ўтиши мумкин.
“Messagro” нашрининг маълум қилишича, Диего Симионе 33 ёшли ҳимоячини ўз жамоасига таклиф қилмоқда.
Aргентиналик мураббийнинг фикрича, Вертонген ўз тажрибаси орқали “матрасчилар”га катта фойда келтириши мумкин.
Эслатиб ўтамиз, Ян ва “Тоттенҳем” ўртасидаги шартнома аллақачон ўз якунига етган. Ҳимояҳcи эркин агент мақомида истаган клуби билан шартнома имзолаши мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
