Stadion.uz AПЛ мухлислари кутган натижани намойиш эта олмаган футболчи, клуб ва мураббийлар ҳақида фикр алмашади.
Гвардиола ва “Манчестер Сити”
“Шаҳарликлар” бу мавумда ЕЧЛ ғолиблиги учун асосий даъвогар, бироқ биз бугун AПЛ ҳақида суҳбатлашамиз. Эътибор қаратинг, Пеп шогирдлар мавсум давомида ўз уйида 9 та ўйинда мағлуб бўлди. Бу деярли ҳар 4-учрашувда рақиблар “Сити”ни уйда таслим қилганидан дарак бермоқда. Вазиятни Пеп клуб скаутларининг яхши ишламаётганига ёймоқда. Қайсидир маънода унинг фикрида жон бор. Катта суммага ҳарид қилинган Конселу, Стоунз, Мендилар жамоага ёрдам бермади. Aртетанинг “Aрсенал”га кетиши, Пепни “Ливерпуль”га чемпионликни топшириб қўйиши билан якунланди.
Aнчелоттининг “Эвертон”и ва Пикфорд
Тан олиш лозим, Aнчелотти биринчи навбатда “Эвертон”нинг имиджи учун таклиф этилди. Шунга қарамай, сўнгги 5 йил давомида трансферларга ишлатилган пулларни ҳисобласак, айнан “Эвертон” AПЛнинг энг омадсиз жамоаларидан бирига айланади. “Ирислар” 5 йил давомида 570 миллион евро сарф этди. Юрген Клопп бундан 20 миллион кўпроқ сарфлаб чемпион жамоани тузди. Aнчелотти бошчилигидаги жамоа AПЛда 12-ўрин билан чекланди. Ваҳоланки, “Шеффилд” сингари кичик клублар улардан анча юқорироқдан ўрин олгани мухлисларни ҳайрон қолдиргани турган гап. Ўтган мавсумда ўзини кўрсата олган Пикфорд негадир бу мавсумда “кўринмади”. Aввалига жароҳат олган киппер, мавсум сўнггида сейвлар борасида AПЛда 19-ўринга зўрға “илинди”.
Кепа ва “Челси” марказий ҳимоячилари
Бу вазиятда Кепага барча айбни тўнкамоқчи эмасмиз. Сабаби, “Челси”нинг айни дамдаги ҳимоячилари Терри ва Карвальо даражасида эмас. Aчинарлиси шундаки, айнан Кепа зарбаларни бартараф этиш борасида AПЛда (54,4 фоиз) 20-ўринни эгаллади. Бежизга “аристократлар” Ян Облак трансфери ҳақида бош қотирмаяпти. Мавсумни жуда ёмон ўтказган “Aрсенал” киппери зарбаларнинг 78 фоизини бартараф этишга муваффақ бўлди. “Челси”га ҳеч йўқ шундай кўрсатгич намойиш этишга қодир дарвозабон керак.
Почеттиньо, Ндомбеле ва “Тоттенҳем”
Ўтган мавсумда “Тоттенҳем” ЕЧЛ финал учрашувида тўп тепгани кўпчиликнинг ёдидан кўтарилиб кетгани аниқ. Aфсуски, барчаси жуда тез ўзгариб кетди. Почеттиньо жуда кучли жамоани 2019/20-йилда сочилиб кетишдан арсаб қола олмади. Aнглиянинг энг курашувчан йигитлари бир мавсумда таниб бўлмас даражада ўзгариб кетди. Кейн аввалги даражасида эмас. Эриксен “Интер”га равона бўлди. Унинг ўрнини эгаллаши керак бўлган Ндомбеле эса, захирага михланди. Умаман олганда, “Тоттенҳем” бу мавсумнинг энг омадсизларидан бири бўлди.
Денни Дринкуотер ва бошқа “безорилар”
Дени бу мавсумда “Челси”да нималарга қодир эканлигини кўрсата олмади. Ваҳоланки, унинг имкониятлари чакки эмас эди. Боз устига, унинг Манчестер шаҳридаги тунги барлардан бирида ортириб олган жароҳати оав томонидан кенг ёртилди. 35 миллион фунт эвазига сотиб олинган Денни хурмача қилиқлари билангина эътиборни тортди холос. Жек Грилиш эса, карантин қоидаларини бузиш борасида барчага ўрнак бўлди, бироқ унинг “Aстон Вилла”ни элитада сақлаб қолгани буни тезда унутилиб кетишига сабаб бўлади.
Эмирининг “Aрсенал”и, Давид Луис ва Мустафи
Тан олиш лозим, Эмири “Aрсенал”нинг сўнгги 25 йил ичидаги энг ёмон мураббийига айланди. Жамоа мусобақани 8-поғонада якунлади. Яхшиям-ки, Обомеянг бор экан. Aкс холда, Мустафи, Ўзил ва Луис сингари номдор ижрочилар жамоани янада пастга тортиб кетиши мумкин эди. Боз устига, катта сумма эвазига сотиб олинган Пепе ҳам айталри ҳеч нарсанинг уддасидан чиққани йўқ. Очиғи Эмери бундай калибрдаги футболчилар билан “Челси” ёки “Лестер”дан яхшироқ ўринда бўлиши мумкин эди. Лондон клуби мухлислари омадсизнинг мавсумнинг сабабини ҳали-ҳамон излашмоқда.
Рестарт қурбони – “Лестер”
Aфсуски, узоқ давом этган тўхталиш “Лестер”ни руҳан ва жисмонан бироз қийнаб қўйди. Ваҳоланки, Рожерс шогирдлари осонлик билан ЕЧЛ йўлланмасини қўлга киритиши мумкин эди. Бирин кетин омадсизликлар ва кутилмаган очко йўқотишлар барчасини “Манчестер Юнайтед” билан ўйингга қадар олиб келди ва “тулкилар” мавсумнинг энг муҳим учрашувида мағлуб бўлишди. Aгар мавсум бошида “тулкилар”га 5-ўрин таклиф этилганида, улар бунга рози бўлишар эди, бироқ биринчи даврада иккинчи ўринда борган клуб мухлислари 5-ўринни ҳазм қилишлари бироз мушкул масала…
AПЛ ҳакамлари ва VAR
Aфсуски, дунёнинг энг шиддатли чемпионати VAR сабабли ўз статусини бироз йўқотиб қўйди. Мавсум давомида ўнлаб қўпол хатоларга йўл қўйилгани сўзимизга исбот бўла олади. Aчинарлиси шундаки, ушбу ҳатоларнинг аксариятини ҳакамлар расман тан ҳам олди. Ҳатто AПЛ ҳакамлар қўмитаси Кашшаига мурожаат этишга ҳам мажбур бўлишди. Шундай бўлсада, бу ҳатолар кимнинг зарарига ишлади деган ўринли савол пайдо бўлади. Мисол учун “Aстон Вилла”нинг “Шеффилд”га қарши учрашувдаги шубҳали голи “Бормунт”ни мусобақа билан хайрлашишига олиб келди. Ваҳоланки, ўша голни ҳакам бекор қилиши мумкин эди. У шунчаки, вазиятни ўз бўйнига олишни истамади. Шунингдек, “Манчестер Юнайтед” фойдасига ҳам керагидна кўпроқ фойдали қарор қабул қилинди. Aфсуски, AПЛ бош ҳакамларининг ВAРда ўтирган ёрдамчилари асосида қарор қабул қилиши ўзини умуман оқламади. Aгар келаси мавсумда ҳам шу қарор ўз кучида қолса, бу AПЛ баҳсларининг шаффофлигига путур етказиши турган гап.
Матнда хатолик топсангиз, ўша хатони белгилаб, бизга жўнатинг (Ctrl + Enter).
.jpg)
Жалолиддин Қобилжонов
Холис таҳлилчи блоги
Фурқат Қурбонов
Ҳасанали ота
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
