Испания чемпионатида 2-ўринни олган "Барселона" Европа чемпионлар лигаси нимчорак финал баҳсига яхши тайёргарлик кўрганини намойиш этди. Сетьен шогирдлари "Наполи"га қарши жавоб баҳсида тўлиқ устунликка эришишди.
Айниқса, биринчи бўлимда каталонияликлар рақибга нисбатан тезроқ ҳаракат қилиб, 3та гол уришга муваффақ бўлишди. Учрашувнинг 10-дақиқасида бурчакдан етказилган узатмани Ленгле бош билан дарвозага жойлаб қўйиб, фаолиятида ЕЧЛдаги илк голини уришга муваффақ бўлди.
Биринчи тайм ўртасида Лионель Месси ўзига хос гол муаллифига айланди. У уч ҳимоячини алдаб ўтиб, йиқилди, ўрнида турди ва яна йиқилаётиб зарба берди. Тўп Оспина қўриқлаётган дарвозанинг олис бурчагига бориб тушди. Орадан кўп ўтмасдан аргентиналик футболчи яна бир чиройли гол муаллифига айланди. Аммо ВАР вазиятни кўриб чиққач, Лео тўпни кўкраги билан қабул қилган пайтда тўп футболчининг қўлига тегиб кетганини аниқлади ва голни бекор қилди.
Биринчи бўлим сўнгида Месси Кулибалига нисбатан босим уюштирди ва ундан тўпни олиб қўйиш чоғида ҳимоячи Лионелнинг оёғидан тепиб юборди. Вазиятга ВАР аралашди ва пенальти белгиланди. Бу пайтда Мессига тиббий ёрдам кўрсатилаётгани учун пенальтини Суарес тепди ва ҳисобни 3:0 кўринишига келтирди.
Биринчи бўлимга қўшиб берилган 5 дақиқада "Барселона" дарвозаси томон пенальти белгиланди. Инсинье 11 метрли жарима зарбасидан унумли фойдаланиб, ўйинга интригани қайтарди.
Майдон эгалари иккинчи бўлимда асосан ҳисобни ушлаб қолиш учун ўйнашди ва бунинг уддасидан чиқишди. Тўғри, бир вазиятда Милик "Барса" дарвозасига тўпни йўллаган эди, аммо офсайд туфайли гол инобатга олинмади.
Шу тариқа, "Барселона" икки ўйин натижасига кўра (4:1) чорак финал йўлланмасини қўлга киритди. Ушбу босқичда Сетьен жамоасига "Бавария" рақиблик қилади. Мазкур ўйин 14 август, жума куни бўлиб ўтади.
Европа чемпионлар лигаси, 1/8 финал, жавоб ўйини
Барселона Испания – Наполи Италия 3:1 (3:1)
Голлар: 1:0 – 10 Лангле, 2:0 – 23 Месси, 3:0 – 45, пенальти Суарес, 3:1 – 45, пенальти Инсинье.
Барселона – тер Стеген, Альба, Лангле, Пике, Серджи Роберто, де Йонг, Ракитич, Семеду, Суарес (Фирпо, 90), Гризманн (Мончу, 84), Месси.
Наполи – Оспина, Мариу Руй, Ди Лоренцо, Кулибали, Манолас, Демме (Лоботка, 46), Зелиньски (Лосано, 70), Кальехон (Политано, 70), Фабиан Руис (Элмаз, 79), Инсинье (Милик, 79), Мертенс.
Огоҳлантиришлар: Зелиньски (60), Суарес (90).
Дастлабки ўйин: 1:1
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
