Андрей Фёдоров: «Пандемия яхши тайёргарлик кўришга халақит беряпти»
17 августдан иккинчи бор Суперлига ўйинларига рестарт берилади. «Локомотив» 10-тур учрашувини АГМКга қарши «Бунёдкор» стадионида ўтказади. Хабарингиз бор, навбатдаги тўртта тур марказлашган тартибда нейтрал стадионларда бўлиб ўтади. Рестартга оз қолганда «темирйўлчилар» устози Андрей Фёдоров ўз фикрларини билдирди.
Суперлига рестартига тайёргарлик ҳақида
— Ўйинларга тайёргарлик кўриш осон бўлмаяпти, чунки баъзи сабаларга кўра тез-тез режаларимиз ўзгариб турибди. Аввало инсон соғлиғи биринчи ўринда эканини жуда яхши тушуниб турибмиз. Бир нечта футболчиларимиз коронавирусга чалиниб, тузалиб ҳам бўлишди. Бу эса кишини хурсанд қилади. Қўлдан келганча жамоани бир хил савияга кўтаришга ҳаракат қиляпмиз. Иккита ўртоқлик учрашуви ўтказдик: «Бухоро» ва биринчи лига клуби «Рубин»га қарши. Бу ўйинлар орқали жамоа ҳолатини яна бир бор кўриб олдик.
Жамоадан кетганлар ҳақида
— Уч нафар футболчи билан хайрлашдик. Булар — Игнатий Нестеров, Ойбек Қиличев ва Даврон Ҳошимов. Албатта, асосий таркиб аъзоси билан хайрлашиш ҳар доим қийин бўлган ва бу футболчиларнинг йўқлиги барибир ўз таъсирини кўрсатади. Лекин биз мавжуд таркиб билан олдинга ҳаракат қилишда давом этамиз.
Жамоага янги футболчилар келиши ҳақида
— 10 августдан ёзги трансфер ойнаси очилди. Лекин кимдир келадими-йўқми, бу ҳақда аниқ бир гап айта олмайман. Барчаси клуб раҳбарияти билан ўзаро маслаҳатлашган ҳолда амалга оширилади.
Суперлигада навбатдаги рақиб ҳақида
— АГМК яхши клуб. Бу жамоа ушбу мавсумда яхши ўйин кўрсатяпти. Лекин ҳозир уларнинг ҳолати ҳақида ҳеч нарса билмаймиз. АГМК Суперлигада ютқазмаган ягона клуб бўлиб турибди. Лекин ҳар қандай церийа барибир якун топади. Балки биз билан ўйинда улар мағлубиятга учрар.
Марказлашган чемпионат ҳақида
— Ҳозирги шароитда буни тўғри йўл деб ўйлайман. Чунки падемия сабаб кўп жойларда чемпионат марказлашган тартибда ўтказиляпти. Энг муҳими, ўйинларни ўтказиш, бу ҳар ҳолда умуман ўйнамагандан яхшироқ. Футбол ичидагиларнинг ўз севимли ишлари билан шуғулланиши — энг яхши нарса.
Манба: lokomotiv.uz
Киритилди: 15:48, 14.08.2020. Ўқилди: 2644 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
