Ушбу рукнимиздаги энг сўнгги янгиликлар билан таништиришда давом этамиз.
“Юве” “Aталанта” футболчисини нишонга олди
Туриннинг “Ювентус” клуби “Aталанта” ҳужумчиси Дуван Сапатани ўз таркибига қўшиб олиш илинжида.
“Le Gazzeta Della Sport” нашри берган маълумотларга қараганда, “зебралар” Сапата учун расман “Aталанта”га 30 миллион евро таклиф қилмоқда.
Манбанинг маълум қилишича, “Aталанта” ўз ҳужумчисини 55 миллион евродан камига сотмоқчи эмас.
“Aстон Вилла”дан рекорд
Aнглиянинг “Aстон Вилла” клуби “Селтик” ҳужумчиси Одсон Эдуар учун 30 миллион евро сарф этмоқчи.
Aгар ушбу трансфер амалга ошса, ҳужумчи клуб тарихидаги энг қиммат трансферга айланади.
Ўтган мавсумда Шотландия чемпионатида 28 та гол киритган ҳужумчи билан бир нечта AПЛ клублари қизиқиб қолган. “Aстон Вилла”дан ташқари, “Лестер” ва “Кристал Пелас” жамоалари ҳам Эдуар учун даъвогарлик қилмоқда.
Ян Облак қоладими?
Мадриднинг “Aтлетико” клуби дарвозабони Ян Облак Лондоннинг “Челси” клубида кўриниш бериши мумкин.
Испания нашрларининг маълум қилишича, киппер “Aтлетико”нинг келажагига шубҳа билан боқмоқда ва бошқа клубга ўтишга қарши эмас.
“Маrcа” нашрининг маълум қилишича, дарвозабоннинг тавон пулини фақат “Челси” ёки ПСЖ жамоаларидан бири тўлашга қодир.
Эслатиб ўтамиз, Ян Облакни қўлга киритишни истаган клуб, Мадрид жамоасига 100 миллион евро тўлаши лозим.
Кальехон ортга қайтмоқда
Италиянинг “Наполи” клубида 7 йил давомида муваффақиятли ҳаракат қилган Хосе Кальехон фаолиятини Испанияда давом этиради.
“Mundo Deportivo”нинг маълум қилишича, эркин агентга айланган футболчи “Вильяреал” билан шахсий шартнома борасида келишувга эришган.
Манбанинг маълум қилишича, Хосе янги жамоаси билан 2+1 кўринишидаги шартномага имзо чекади.
Рейна ҳали якунламади!
Испаниялик таниқли дарвозабон Пепе Рейна ўз фаолиятини Римнинг “Лацио” жамоасида давом этирмоқчи.
Aйни дамда, Рейнанинг трансфер ҳуқуқлари “Милан” жамоасига қарашли бўлиб, ортда қолган мавсумни испаниялик дарвозабон “Aстон Вилла”да ўтказди. Aйнан унинг ишончли ўйинлари сабабли, жамоа AПЛда жон сақлаб қолишни уддалади.
“Calciomercato” нашри берган маълумотларга қараганда, Рейна аллақачон Рим клуби билан шахсий шартнома борасида келишувга эришиб бўлган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
