Stadion.uz Aнглияни ром этишда давом этаётган Юрген Клоппнинг янги қаҳрамонлиги билан таништириб ўтади.
11 ёшли Льюис Балф бошланғич мактабни якунлади. Энди уни ўрта мактаб кутмоқда. Болакай ҳаётидаги кескин ўзгариш сабабли депрессия ҳолатига тушиб қолишдан хавфсиради ва дўсти билан шу мавзуда суҳбатлашди. Янги мактаб, янги фанлар ва янги синфдошлар уни қандай қабул қилади? Ушбу саволлар уни қийнаб юборган эди. Aна шунда, дўсти унга ўз «қаҳрамонига» хат ёзиб воқеани баён қилишини, шу тариқа енгил тортишини маслаҳат берди. Балф «Ливерпул» клубининг ашаддий мухлиси бўлгани учун ўйлаб ўтирмай Юрген Клоппга нома ёзишга қарор қилди.
Болакай ўз ички ҳисларини ота-онасидан ҳам сир тутганча Юрген Клоппга почта орқали ёзиб юборди. Тўғриси, Льюис жавоб хати келишини кутмаган эди. Хат юборилгач, бир неча кун ўтиб почтальон Балфларнинг уйига «Ливерпул» клубидан келган расмий хатни ташлаб кетди. 11 ёшли болакай, ота-онасидан хат «Ливерпул» клубидан келганини эшитгач, қулоқларига ишонмай қолди. Ҳаяжон билан хатни очар экан, ушбу нома Юрген Клоппдан эканлигига ишонгиси келмас эди.
"Салом Льюис!
Майлими мен сенга аввало кичик бир сирни очсам?! Тўғриси, мен жуда ҳаяжонланяпман. Тўғриси, мен ҳам сенинг ўрнингда асабийлашган бўлар эдим. Бу ҳадик бўлмаганида, бизни олдинга чорловчи энергия ҳам бўлмаган бўлар эди. Сен ўз хатингда менга қизиқ савол йўллабсан. Мен футболчиларим хавотирга тушса, қандай йўл тутишим билан қизиқибсан. Ушбу саволнинг жавоби жуда оддий. Уларга биринчи навбатда мен учун қанчалар қадрли эканликларини айтаман. Сўнг, уларга ишонишимни айтаман. Бундай услубни агар оила аъзоларининг сенга қўлласа, иш беришига шубҳам йўқ.
Ҳаётинг давомида ёқимсиз нарсаларга дуч келсанг сира хавотирга тушма. Хабаринг бор, мен бир нечта финалларда аламли мағлубиятлар қабул қилиб олганман. Aйнан шундай ёқимсиз ҳисларни ҳис этганимга қарамай, дўстларим ва оила аъзоларимнинг қўллаб-қувватлаши сабабли олдинга қадам ташлашда давом этганман. Энди эса, улар олдида юзиб ёриқ. Хурсанд бўлишга аризигулик ютуқларим ҳам бор.
Aгар мен ёқимсиз вазиятлар содир бўлганида тўхтаб қолсам, ҳеч қандай ютуқларга эришган бўлар эдим. Шу боис сен ҳам позитив кайфиятда бўл. Сен ҳаётингдаги ўзгаришларни хурсандчилик билан қарши ол ва улғайиш қанчалар ёқимли эканлигини ҳис эт. Ишончим комил, сени олдинда ажойиб ишлар кутмоқда.
Шу ўринда унутмаслигин лозим! Сен улкан «Ливепуль»нинг бир бўлагисан! Демак сен сайёрамиздаги миллионлаб оила аъзолари бор болакайсан! Aйнан шу миллионлаган мухлислар сени бахтли бўлишингни исташади! Сенинг биз билан эканлигинг, мен ва футболчилар учун катта далда берди. Умид қиламанки, бу хатим билан сени биз ҳам қўллаб-қувватлаётганимиздан дарак беради.
Youʼll Never Walk Alone!"
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
