Ушбу рукнимиздаги энг сўнгги янгиликлар билан таништириб ўтишда давом этамиз.
Санчес «Эвертон»да?!
Aнглиянинг «Тоттенҳем» жамоаси ҳимоячиси Давинсон Санчес фаолиятини AПЛнинг бошқа клубида давом эттириши мумкин.
Don Balon нашрининг маълум қилишича, ушбу трансферни амалга оширишни клубга Хамес Родригес тавсия қилган.
Эслатиб ўтамиз, Давинсон Санчеснинг «шпорлар» билан шартномаси 2024 йилга қадар тузилган бўлиб, «ирислар» уни 50 миллион евродан камига қўлга кирита олишмайди.
«Милан»га япониялик футболчи керак
Миланнинг «Милан» жамоаси «Балонья» ҳимоячиси Такахиро Тамиясуни қўлга киритиш фикридан қайтмади.
"Calciomercato" нашрининг маълум қилишича, клуб катта эҳтимол билан қишда япониялик футболчи билан шартнома имзолайди.
Манбанинг маълум қилишича, «Милан» Такахиро учун 15 миллион евро таклиф қилмоқда, бироқ «Балонья» ўз футболчисини 25 миллиондан камига қўйиб юбормоқчи эмас.
«Сити» Искога кўз тикди
Aнглиянинг «Манчестер Сити» клуби қишда «Реал» ярим ҳимоячиси Иско билан шартнома имзоламоқчи.
«Todofichajes» нашрининг маълум қилишича, Мадрид клуби Искони Зиданни танқид қилгани учун ҳам жамоада олиб қолмоқчи эмас. Шу боис, қишдаёқ плеймейкерни трансферга қўйишга қарор қилган.
Манбанинг маълум қилишича, «Сити» Иско учун «қироллик клуби»га 40 миллион евро таклиф қилмоқчи.
«Ювентус»га «Женоа» «олмоси» керак
Туриннинг «Ювентус» клуби «Женоа» жамоасининг 18 ёшли ярим ҳимоячиси - Никола Ровеллони ўз сафига қўшиб олмоқчи.
Le Gazzeta Della Sport нашрининг маълум қилишича, Турин супер клуби ишда ярим ҳимоячи учун 8 миллион евро таклиф қилмоқчи. Элдор Шомуродовнинг жамоаси эса, бу суммани 10 миллион бўлишини талаб қилмоқда.
Манбанинг маълум қилишича, музокаралар аллақачон бошланган. Трансфер эса, узоғи билан ёзда амалга ошади.
Погба кетадими?!
Aнглиянинг «Манчестер Юнайтед» жамоаси ярим ҳимоячиси Пол Погба фаолиятини бошқа клубда давом эттириши мумкин.
Погба клуб билан ўртадаги шартномани яна бир йилга чўзган бўлсада, клубда қолиш ниятида эмас. У ўйин амалиёти камлиги сабабли жамоасини ўзгартирмоқчи. Бу ҳақида, "Ekspress" нашри маълум қилмоқда.
Манбанинг маълум қилишича, «қизил иблислар» шартномани узайтириш орқали уни бепул қўйиб юбормасликни режа қилишган. «Юнайтед» ёзда унинг трансферидан келиб тушадиган суммани қўлга киритишни режа қилмоқда.
Эслатиб ўтамиз, аввалроқ Погба билан «Ювентус» ва «Реал» жамоаларидан таклифлар бўлган эди.
Мустафи аниқ кетади
Лондоннинг "Aрсенал" жамоаси марказий ҳимоячиси Шкордан Мустафи фаолиятини бошқа жамоада давом эттириши аниқ.
28 ёшли футболчи клуб томонидан таклиф қилинган янги шартномадан воз кечди ва бошқа клуб билан музокаралар олиб бормоқчи эканлигини расман эълон қилди.
Мустафи мавсум якунлангач, Германия клубларидан бири билан шартнома имзолашни режа қилмоқда. Эслатиб ўтамиз, 2021 йилнинг ёзида унинг "Aрсенал" билан тузган шартномаси кучини йўқотади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
