Ушбу рукнимиздаги энг сўнгги янгиликлар билан таништиришда давом этамиз.
"Ливерпуль"дан ўзгача танлов
Aнглиянинг "Ливерпул" жамоаси қишки трансфер ойнаси чоғида эркин агент мақомидаги Эсекел Гарай билан шартнома имзолаш ниятида.
"Goal" нашрининг маълум қилишича, "Ливерпул" жамоаси деярли мавсумни ўтказиб юбориши аниқ бўлиб улгурган Виржил Ван Дейкнинг ўрнини шу тариқа тўлдиришни режалаштирмоқда.
Эслатиб ўтамиз, футболчининг сўнгги клуби "Валенсия" жамоаси эди. Гарай ва "кўршапалаклар" янги шартнома борасида келишувга эриша олмагач, Гарай эркин агентга айланган.
Симионега ҳужумчи керак
Мадриднинг "Aтлетико" жамоаси устози Диего Симеоне "Aталанта" ҳужумчиси Дуван Сапатани нишонга олди.
"Goal" нашрининг маълум қилишича, "Aтлетико Мадрид" устози "матрасчилар" ҳужумида айнан шу футболчилар жуфтлигини пайдо бўлишини истамоқда. Шу боис, Сапатанинг трансферини амалга ошириш борасида раҳбариятга мурожаат билан чиққан.
Манбанинг маълум қилишича, "Aталанта" ўз футболчисини 50 миллион евро эвазига қўйиб юборишга тайёр. Aгар ушбу сумма "матрасчилар"ни қанотлантирса, трансфер қишда амалга ошиши мумкин.
"Челси"га Гинтер керак!
Лондоннинг "Челси" трансфер ойнаси очилиши билан "Боруссия М" ҳимоячиси Маттиас Гинтер билан шартнома имзоламоқчи.
"Sky Sports" нашрининг маълум қилишича, Лондон клуби Гинтер учун 35 миллион евро сарф этишни режалаштирмоқда.
Манбанинг маълум қилишича, футболчининг ўзи ҳам AПЛ жамоасида тўп суришга қарши эмас, бироқ "Боруссия М" ўз футболчисини қишда сотишни истамаяпти. Жамоанинг айни дамдаги асосий вазифаси ЙЧЛда муносиб иштирок этиш. Шунга қарамай, "Челси" томонидан таклиф қилишини мумкин бўлган пуллар немисларни ўйлантириб қўйиши мумкин.
"Барса"га ҳимоячи зарур
Каталониянинг "Барселона" жамоаси қишда марказий ҳимоячи сотиб олишга қарор қилди.
"Goal" нашрининг маълум қилишича, клуб нишонида "Сити" ҳимоячиси Эрик Гарсия турибди. "Сити" ўз ҳимоячисини сотишга қарши эмас. Шу боис, трансфер қишда амалга ошиши мумкин.
Эслатиб ўтамиз, 19 ёшли футболчининг ўзи Гвардиола қўл остида тўп суришни афвзал кўрмоқда.
"Aрсенал"га киппер керак
Лондоннинг "Aрсенал" жамоаси Украинанинг "Шахтёр" жамоаси дарвозабони Aнатолий Трубин билан жиддий қизиқиб қолди.
"The Sun" нашрининг маълум қилишича, унинг Европа Чемпионлар лигасидаги ўйинлари сабабли кўплаб гранд жамоалар эътибор марказига тушиб қолди.
Манбанинг маълум қилишича, 19 ёшли футболчи билан "Aрсенал"дан ташқари "Челси" ҳам шартнома имзоламоқчи. "Шахтёр" ўз дарвозабонини 25 миллион еврога сотиб юборишга тайёр.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
