Ўзбекистон миллий жамоаси бугун Дубай шаҳрида Сурияга қарши ўртоқлик ўйинида майдонга тушиб, имкониятни бой берди.
Баҳснинг 11-дақиқасида ҳимоячимиз Ҳожиакбар Алижонов дарвозабонимиз билан яккама-якка вазиятга чиқаётган рақиб ҳужумчисини қўли билан тортиб қолгани учун майдондан четлатилди.
Иккинчи бўлим бошида эса вакилларимиз майдон марказида тўпни йўқотишди ва Маҳмуд ал-Мавас рандевуга чиқиб бориб, Абдувоҳид Неъматовни доғда қолдирди.
Орадан 3 дақиқа ўтиб ҳакам жамоалар ўйинчилари сонини тенглаштириб қўйди — Юсуф ал-Ҳамвийга қизил карточка кўрсатилди.
Баҳснинг 58-дақиқасида эса Игорь Голбан рақибни йиқитгани учун ҳакам дарвозамизга пенальти белгилади. Маҳмуд ал-Маваснинг зарбасини эса Неъматов ажойиб сэйв билан қайтаришга муваффақ бўлди.
Бугун Абрамов жамоасининг ўйини қовушмади. Сурияликлар яхши ҳимоячланишди. Фақатгина ўйин сўнггига келиб Ўзбекистон рақиб дарвозаси томон босим уюштира олди. Жамоамиз мағлубиятдан қутулиб қолиши ҳам мумкин эди, аммо тўп 2 марта рақиб дарвозаси тўсинига тегди. Бир марта Ҳожимат Эркинов, иккинчи вазиятда Ислом Қобиловнинг зарбасидан сўнг.
Шу тариқа, терма жамоамиз Сурияга имкониятни бой берди.
Ўртоқлик ўйини
ЎЗБЕКИСТОН - СУРИЯ - 0:1 (0:0)
Гол: Маҳмуд ал-Мавас (47)
Ноаниқ пенальти: Маҳмуд ал-Мавас (59, дарвозабон)
Огоҳлантиришлар: Лутфулла Тўраев (11), Ойбек Бозоров (52), Ислом Қобилов (65), Мурод Холмуҳаммедов (80)
Четлатишлар: Ҳожиакбар Алижонов (11) — Юсуф ал-Ҳамвий (50)
Ўзбекистон: 12.Абдувоҳид Неъматов, 2.Исломжон Қобилов, 3.Ҳожиакбар Алижонов, 6.Азизжон Ғаниев, 8.Ойбек Бозоров (Достон Ҳамдамов 60), 10.Жалолиддин Машарипов (Ҳожимат Эркинов 60), 18.Лутфулла Тўраев (Санжар Қодирқулов 83), 19.Бобир Абдихолиқов (Темурхўжа Абдухолиқов 76), 21.Игорь Голбан (Мурод Холмуҳаммедов 69), 22.Жамшид Искандеров (Аброр Исмоилов 69), 23.Иброҳимхалил Йўлдошев.
Сурия: 01.Иброҳим Ал-Меҳ, 03.Мойад Ажан (Холид Курдоғли 67), 02.Юсуф ал-Ҳамвий, 05.Умар Миданий, 04.Фарис Арнаут, 16.Даабул Моҳир, 06.Кемал Ҳмейша, 10.Маҳмуд ал-Мавас, 12.Муҳаммад Усмон, 07.Аяс Усмон, 21.Ало ад-Далий
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
