Европа Миллатлар Лигасининг 6-туридан ўрин олган бир қатор учрашувлар 17 ноябрь, сешанба куни бўлиб ўтди.
Куннинг марказий ўйини Испания ва Германия терма жамоалари ўртасида кечди. Учрашувнинг 17-дақиқасида Альваро Мората боши билан зарба йўллаб, дарвозани аниқ нишонга олди. 33-дақиқада Ферран Торрес жамоасининг иккинчи голини урган бўлса, орадан кўп ўтмай Родри ҳисобни йирик кўринишга олиб келди.
Иккинчи бўлимда Торрес яна иккита гол урган ҳолда ҳет-трик қайд этди ва ҳисобни 5:0 кўринишига келтирди. Ўйин якуналиши арафасида Микель Ойарсабаль жамоасининг 6-голини урди.
Бу ғалаба орқали Луис Энрике жамоаси гуруҳда биринчи ўринни эгаллади ва мусобақа финал босқичига йўл олди.
Шунингдек, финал босқичи йўлланмасини муддатидан аввал ҳал қилишга улгурган Франция терма жамоаси Швеция билан баҳс юритди. Шведлар 4-дақиқадаёқ Виктор Классоннинг голи эвазига ҳисобни очди. Бунга майдон эгалари Оливье Жирунинг дубли ва Бенжамин Паварнинг голи билан жавоб қайтарди. Учрашув якунланиши арафасида Робин Квайсон ҳисобни қисқартирди, бироқ ҳакам томонидан қўшиб берилган вақтда Кингсли Коман ўйинга якуний нуқтани қўйди — 4:2.
Гуруҳнинг иккинчи учрашуви Хорватия ва Португалия терма жамоалари ўртасида бўлиб ўтди. Мезбонлар сафида Матео Ковачич дублга эришган бўлса, португалларнинг голларига Рубен Диаш (дубль) ва Жоау Феликс муаллиф бўлди.
Шу тариқа А3-гуруҳида Швеция ва Хорватия 3 очкодан тўплади. Ўзаро ўйинларда ҳам тенглик юзага келгани боис тўплар нисбатига кўра Швеция "B" лигага равона бўлди.
Миллатлар лигаси, 6-тур
17 ноябрь, сешанба
Хорватия — Португалия 2:3
Голлар: 1:0 – 29 Ковачич, 1:1 – 52 Рубен Диаш, 1:2 – 60 Жоау Феликс, 2:2 – 65 Ковачич, 2:3 – 90 Рубен Диаш.
Хорватия: Ливакович, Брадарич, Ловрен, Шкорич, Модрич, Пашалич (Брекало, 64), Влашич (Оршич, 84), Рог, Перишич, Ковачич (Башич, 90), Юранович.
Португалия: Руй Патрисиу, Мариу Руй (Жоау Канселу, 71), Рубен Диаш, Семеду, Рубен Семеду, Моутинью, Данилу Перейра (Сержиу Оливейра, 77), Диогу Жота (Паулинью, 77), Бруну Фернандеш (Тринкау, 46), Жоау Феликс (Бернарду Сильва, 71), Роналду.
Огоҳлантиришлар: Рог (22), Роналду (54), Перишич (57).
Четлатиш: Рог (51).
Испания — Германия 6:0
Голлар: 1:0 – 17 Мората, 2:0 – 33 Ферран Торрес, 3:0 – 38 Родри, 4:0 – 55 Ферран Торрес, 5:0 – 71 Ферран Торрес, 6:0 – 89 Ойарсабаль.
Испания: Унаи Симон, Рамос (Эрик Гарсия, 43), Серхи Роберто, Гайя, Пау Торрес, Родри, Каналес (Фабиан Руис, 12), Олмо (Асенсио, 73), Коке, Ферран Торрес (Ойарсабаль, 73), Мората (Херар Морено, 73).
Германия: Нойер, Макс, Гинтер, Зюле (Та, 46), Кох, Кроос, Гюндоган, Гнабри, Горетцка (Нойхаус, 61), Сане (Вальдшмидт, 61), Вернер (Хенрихс, 77).
Огоҳлантиришлар: Кох (37), Та (67).
Франция — Швеция 4:2
Голлар: 0:1 – 4 Классон, 1:1 – 16 Жиру, 2:1 – 36 Павар, 3:1 – 59 Жиру, 3:2 – 88 Квайсон, 4:2 – 90+5 Коман.
Мальта — Фарер ороллари 1:1
Голлар: 1:0 – 54 Гиёме, 1:1 – 69 Ёунссон.
Гибралтар — Лихтенштейн 1:1
Голлар: 1:0 – 17, автогол Брендле, 1:1 – 44 Фрик.
Люксембург — Озарбайжон 0:0
Черногория — Кипр 4:0
Голлар: 1:0 – 14 Ёветич, 2:0 – 25 Болевич, 3:0 – 28 Болевич, 4:0 – 60 Мугоша.
Андорра — Латвия 0:5
Голлар: 0:1 – 7 Черномордий, 0:2 – 57 Икауниекс, 0:3 – 60 Икауниекс, 0:4 – 70, пенальти Гутковский, 0:5 – 90, пенальти Кроллис.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Холис таҳлилчи блоги
Жалолиддин Қобилжонов
Фурқат Қурбонов
Ҳасанали ота
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
