Yevropa Millatlar Ligasining 6-turidan o‘rin olgan bir qator uchrashuvlar 17 noyabr, seshanba kuni bo‘lib o‘tdi.
Kunning markaziy o‘yini Ispaniya va Germaniya terma jamoalari o‘rtasida kechdi. Uchrashuvning 17-daqiqasida Alvaro Morata boshi bilan zarba yo‘llab, darvozani aniq nishonga oldi. 33-daqiqada Ferran Torres jamoasining ikkinchi golini urgan bo‘lsa, oradan ko‘p o‘tmay Rodri hisobni yirik ko‘rinishga olib keldi.
Ikkinchi bo‘limda Torres yana ikkita gol urgan holda het-trik qayd etdi va hisobni 5:0 ko‘rinishiga keltirdi. O‘yin yakunalishi arafasida Mikel Oyarsabal jamoasining 6-golini urdi.
Bu g‘alaba orqali Luis Enrike jamoasi guruhda birinchi o‘rinni egalladi va musobaqa final bosqichiga yo‘l oldi.
Shuningdek, final bosqichi yo‘llanmasini muddatidan avval hal qilishga ulgurgan Fransiya terma jamoasi Shvesiya bilan bahs yuritdi. Shvedlar 4-daqiqadayoq Viktor Klassonning goli evaziga hisobni ochdi. Bunga maydon egalari Olivye Jiruning dubli va Benjamin Pavarning goli bilan javob qaytardi. Uchrashuv yakunlanishi arafasida Robin Kvayson hisobni qisqartirdi, biroq hakam tomonidan qo‘shib berilgan vaqtda Kingsli Koman o‘yinga yakuniy nuqtani qo‘ydi — 4:2.
Guruhning ikkinchi uchrashuvi Xorvatiya va Portugaliya terma jamoalari o‘rtasida bo‘lib o‘tdi. Mezbonlar safida Mateo Kovachich dublga erishgan bo‘lsa, portugallarning gollariga Ruben Diash (dubl) va Joau Feliks muallif bo‘ldi.
Shu tariqa A3-guruhida Shvesiya va Xorvatiya 3 ochkodan to‘pladi. O‘zaro o‘yinlarda ham tenglik yuzaga kelgani bois to‘plar nisbatiga ko‘ra Shvesiya "B" ligaga ravona bo‘ldi.
Millatlar ligasi, 6-tur
17 noyabr, seshanba
Xorvatiya — Portugaliya 2:3
Gollar: 1:0 – 29 Kovachich, 1:1 – 52 Ruben Diash, 1:2 – 60 Joau Feliks, 2:2 – 65 Kovachich, 2:3 – 90 Ruben Diash.
Xorvatiya: Livakovich, Bradarich, Lovren, Shkorich, Modrich, Pashalich (Brekalo, 64), Vlashich (Orshich, 84), Rog, Perishich, Kovachich (Bashich, 90), Yuranovich.
Portugaliya: Ruy Patrisiu, Mariu Ruy (Joau Kanselu, 71), Ruben Diash, Semedu, Ruben Semedu, Moutinyu, Danilu Pereyra (Serjiu Oliveyra, 77), Diogu Jota (Paulinyu, 77), Brunu Fernandesh (Trinkau, 46), Joau Feliks (Bernardu Silva, 71), Ronaldu.
Ogohlantirishlar: Rog (22), Ronaldu (54), Perishich (57).
Chetlatish: Rog (51).
Ispaniya — Germaniya 6:0
Gollar: 1:0 – 17 Morata, 2:0 – 33 Ferran Torres, 3:0 – 38 Rodri, 4:0 – 55 Ferran Torres, 5:0 – 71 Ferran Torres, 6:0 – 89 Oyarsabal.
Ispaniya: Unai Simon, Ramos (Erik Garsiya, 43), Serxi Roberto, Gayya, Pau Torres, Rodri, Kanales (Fabian Ruis, 12), Olmo (Asensio, 73), Koke, Ferran Torres (Oyarsabal, 73), Morata (Xerar Moreno, 73).
Germaniya: Noyer, Maks, Ginter, Zyule (Ta, 46), Kox, Kroos, Gyundogan, Gnabri, Goretska (Noyxaus, 61), Sane (Valdshmidt, 61), Verner (Xenrixs, 77).
Ogohlantirishlar: Kox (37), Ta (67).
Fransiya — Shvesiya 4:2
Gollar: 0:1 – 4 Klasson, 1:1 – 16 Jiru, 2:1 – 36 Pavar, 3:1 – 59 Jiru, 3:2 – 88 Kvayson, 4:2 – 90+5 Koman.
Malta — Farer orollari 1:1
Gollar: 1:0 – 54 Giyome, 1:1 – 69 Younsson.
Gibraltar — Lixtenshteyn 1:1
Gollar: 1:0 – 17, avtogol Brendle, 1:1 – 44 Frik.
Lyuksemburg — Ozarbayjon 0:0
Chernogoriya — Kipr 4:0
Gollar: 1:0 – 14 Yovetich, 2:0 – 25 Bolevich, 3:0 – 28 Bolevich, 4:0 – 60 Mugosha.
Andorra — Latviya 0:5
Gollar: 0:1 – 7 Chernomordiy, 0:2 – 57 Ikauniyeks, 0:3 – 60 Ikauniyeks, 0:4 – 70, penalti Gutkovskiy, 0:5 – 90, penalti Krollis.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
