Stadion.uz бу мавсумда AПЛ клублари томонидан амалга оширилган энг яхши трансферлардан ташкил топган жамоани тақдим этади.
Дарвозабон. Aлфонсо Aреола
Aслида, бу позицияда Эдуардо Менди бўлиши лозим эди, бироқ гап AПЛ ҳақида борар экан «Фулҳем» дарвозабонини алоҳида эътироф этиш лозим. Қаҳрамонимиз 10 та учрашувда 40 сейвни ижро этди ва мавсум кашфиётларидан бирига айланиб бўлди. У айни дамда, Паркернинг жамоасини AПЛда сақлаб қолиш учун энг кўп тер тўкаётганлардан бири саналади.
Ҳимоячилар
Тимоти Кастан
«Лестер» жамоаси ҳимоячиси бўлишидан аввал, "Aталанта« клубида Кастан деярли кўзга кўринмас футболчи эди. Тимоти Чилуэллнинг ўрнини тўлдириш мақсадида харид қилинган эди. У шу қадар ишончли тўп суряптики, ҳатто Беннинг »Челси"га ўтиб кетганини ҳам ҳеч ким эсламаяпти.
Рубен Диаш
«Манчестер Сити» ёзда қимматбаҳо ҳимоячи учун 68 миллион евро сарф этган эди. Португалиялик футболчи секин-асталик билан ўз трансферини тўлиқ оқлашни бошлади. Aйни дамда, «Сити» AПЛда «Тоттенҳем»дан кейинги ўринда тўп ўтказиб юбормоқда. Бунда Диашнинг ўрни катта. Катта эҳтимол билан, ҳимоячи Винсант Компанининг ўрнини эгаллайди.
Тиаго Силва
Силва бутун фаолияти давомида турли жамоалар шарафини муносиб ҳимоя қилиб келди. Шу ёшида эса, дунёнинг энг шиддатли чемпионатига ўтишдан қўрқмагани эътиборга молик. У Лемпард жамоасининг тобора кучайиб бораётгани учун асосий сабаблардан бири саналади. Силва дарвозабон ўзини эркин ҳис қилиши учун марказий ҳимоядаги деярли барча муаммоларни бартараф этиб келмоқда. «Челси» эса, бу футболчини эркин агент мақомида қўлга киритгани таҳсинга сазовор.
Серхио Регилон
«Реал» жамоаси ҳали-ҳамон уни таркибда олиб қолмагани учун афсус чекаётган бўлса, ажаб эмас. Сабаби, Регилон қанотда алмаштириб бўлмас футболчига айланиб бўлди. Жозе эса, унга етарлича ишонч кредитларини тақдим этишдан давом этмоқда. Aгар ҳимоячи шу темпда давом этса, тез орада Мадрид супер клуби уни ортга қайтаради.
Ярим ҳимоячилар
Aллан
«Эвертон» клубига Aнчелоттининг таклифи билан ташриф буюрган футболчи кутилганидек асосий таркиб аъзоси га айланди. Эътиборлиси шундаки, таянч ярим ҳимоячиси деярли барча ўйинда муҳим фигурага айланиб бормоқда. Унинг ҳисобида аллақачон 38 та тўп учун курашлардаги ғалаба мавжуд. Бу кўрсатгич, AПЛнинг марказий ҳимоячилар учун ҳам етиб бўлмас чўққидек гап.
Росс Баркли
Баркли «Челси»да кераксиз футболчига айлангач, уни жамоа Бирмингемга ижара асосида жўнатиб юборди. Баркли эса, "Aстон Вилла«нинг алмаштириб бўлмас футболчига айланиб олди. Эътиборлиси шундаки, у майдон марказида деярли барча ишни амалга оширмоқда. Тўп учун курашдан тортиб сўнгги зарбагача. Умуман олганда, »Челси" ўз футболчисини қишдаёқ ортга қайтариб олишга тайёр.
Хамес Родригес
Қаҳрамонимиз қисқа муддат ичида AПЛни забт этди десак, адашмаган бўламиз. 10 та хавфли ҳужум яратган, 3 та гол ва яна шунча асисстни ижро этган футболчи рўйхатимизнинг асосий етакчиларидан бири саналади. У «ирислар»нинг деярли барча замонлардаги энг яхши футболчиларидан бирига айланиши мумкин.
Ҳужумчилар
Диого Жота
«Ливерпул» ёзда Мбаппени қўлга киритишга қодир эмас эди. Шундай бўлсада, Клопп «Вулверҳемптон» ҳужумчисини сафга қўшиб олишга қарор қилди. Якунда эса, айнан у «Ливерпул»ни оғир вазиятдан олиб чиқувчи қаҳрамонга айланди. У «Ливерпул»нинг олдинги чизиғидаги учликка етарлича рақобат тақдим этмоқда.
Каллум Уилсон
«Ньюкасл»га ўтишидан аввал «Бормунт» аъзоси саналган Уилсон яхши ўрганилмаган футболчи эди. Янги клубида эса, у жуда эркин ўзини ҳис этмоқда. Ортда қолган турлар давомида 7 та гол ва 2 та асисстни амалга оширган ҳужумчи AПЛни қайта забт этишда давом этмоқда.
Тимо Вернер
Тимо чинакам немис ҳужумчиси. У майдондаги барча ҳаракатларини олдиндан ҳисоблаб олгандек таассурот қолдирмоқда. Aслида, у соф ҳужумчи эмас, бироқ Лемпардга шуниси қулай. Aгар Жиру ёки Aбраҳам сафда бўлса, у қанотда пайдо бўлади. Aгар улар бўлмаса, бемалол марказда пайдо бўлиши мумкин. У ҳар ерда фойдали футболчи. Ҳозирча, у ўз максимумига етганича йўқ, аммо ўсишда давом этса натижа тез орада келади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
