Ва ниҳоят, "Арал" ФК масаласида жиддий бош қотирилаётгани биз учун қувонарли. ЎзПФЛ ишчи гуруҳи "Арал" масаласини муҳокама қилиш учун Нукусга борди.
Биз биринчи галда "Турон" стадионини кўздан кечирдик. Стадион қайта таъмирлашга муҳтож. Майдон қопламасини ўзгартириш талаб этилади. Шунингдек, кийим алмаштириш хоналари, ОАВ учун шароитлар масаласи, ҳакамлар хоналари, телетрансляция каби масалаларда қатор ишлар қилиниши зарур. Клуб учун моддий-техник база керак, академияни шакллантириш муҳим.
Нукусда Вазирлар Кенгаши раиси Қаҳрамон Сариев билан, эртасига эса Жуқори Кенгаш раиси Мурат Камолов билан учрашдик. Бунда "Арал" футбол билан боғлиқ бир қатор режаларга ойдинлик киритиб олинди:
— "Турон" стадионини капитал таъмирдан чиқариш масаласи;
— "Турон" стадиони қопламаси ФИФА талабларига жавоб берадиган сунъий газон билан алмаштирилиши масаласи (иқлим шароитидан келиб чиқиб, сунъий майдон ҳозирча энг афзал вариант);
— "Турон" стадионига ёндош бўлган собиқ Маданият институти ўрнида "Арал" ФК учун спорт моддий-техник базасини шакллантириш масаласи (бунда асосий бинодан ташқари 2 та катта майдон, бассейн, тренажер зали, кичик майдонлар, медпункт ва ҳоказолар бўлади);
— "Арал" ФК учун янги автобус харид қилиш масаласи;
— Нукус шаҳридаги футбол маҳорат мактабини босқичма-босқич "Арал" ФК академиясига айлантириш масаласи.
Айни вақтда мазкур режаларни амалга ошириш ҳамда уларга моддий ресурслар ажратиш масаласини келишиб олиш учун иш Вазирлар Маҳкамасига оширилган.
Мурат Камолов билан учрашув илиқ таассурот қолдирди. Айни вақтда ҳудуд раҳбарларининг ўзи юқоридаги масалалар юзасидан ҳаракатни бошлаган. Улар "Арал" футболини сунъий равишда кўтариш эмас, унинг пойдеворини шакллантириш муҳим аҳамият касб этишини жуда яхши тушунади. Балки "Арал" ФК кейинги 2-3 йилда яхши натижа қайд этмаслиги мумкин. Бироқ бу вақт ичида клуб пойдевори шаклланади, келажакда Қорақалпоғистон катта футболда ўз сўзини айтишни бошлайди, ҳудудда иқтидорли ёш футболчилар талайгина. "Насаф" ФК бугунги ҳолатига келиши учун қанча вақт сарф этилганини сиз жуда яхши биласиз.
Мамлакат президентининг Қорақалпоғистонга ташрифи ҳудуд футболида туб бурилиш ясайди. Ўша вақтдан буён Суперлига клублари сонини 16 тага етказиш ва ҳоказолар ҳақида гап-сўзлар кўпайди. Биз айни ҳолатда барчаси режадагидек ва ақл билан амалга ошаётганидан хурсандмиз. Мозийга қайтиб иш кўрмак, хайрлидур.
Диёр Имохўжаев.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Локомотив
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
