АПЛ пешқадамлигини ўз қўлига олган "Манчестер Сити” бугун "Бёрнли" майдонига сафар уюштиради. Учрашув Тошкент вақти билан 21:00да бошланади.
"Бёрнли"
Жорий мавсум Премьер-лигада кўпгина ажойиб ўйинлар намойиш этган бёрнлиликлар сўнги турларда яна жонланиб қолишди. Охирги 4 турда "Ливерпуль", "Фулхэм", "Астон Вилла" жамоалари устидан ғалаба қозонган "Бёрнли", ўтган турда "Стемфорд Бриж"да “Челси"дан мағлубиятга учради. Ҳозиргача 20 ўйинда 22 очко тўплаган "Арилар" турнир жадвалида 15-поғонада жойлашган. Хавфли ҳудудда жойлашган "Фулхэм"дан 8 очко кўп жамғарган.
"Манчестер Сити"
Охирги икки ойда фантастик ўйинлар ўтказиб, АПЛда пешқадамликни ўз қўлига олган "шаҳарликлар" ўтган турда "Etihad Stadium"да "Шеффилд Юнайтед" жамоасини мағлубиятга учратди. Ҳамшаҳари "Манчестер Юнаед" жамоаси билан бир хил 44 тадан очко тўплаган "шаҳарликлар" турнир жадвалида ҳозирча етакчилик қилишмоқда, аммо "Сити" манкунианлардан иккита кам ўйин ўтказган. "Шеффилд" устидан қозонилган ғалаба уларнинг сўнгги 27-учрашувининг 25-ғалабаси эди. Манчестерликлар барча мусобақалар доирасидаги 15 учрашувдан бери мағлубият нималигини билмай келишаяпти. Улар сўнги бор 2020-йил 21-ноябрь куни Моуриньонинг "Тоттенхэм"идан мағлубиятга учраган эди.
Жамоа янгиликлари ва йўқотишлар
"Бёрнли" жамоасида ўйиндан олдин янги жароҳатлар билан боғлиқ муаммолар йўқ, лекин Эшли Барнс, Жош Браунхилл, Крис Вуд ва Чарли Тейлор каби ўйинчилар майдонга тушиши сўроқ остида бўлиб турибди.
Гвардиоланинг "Манчестер Сити"сида бир қанча жиддий йўқотишлар бор. Агуэро коронавирусдан тузалди, лекин бугунги учрашувни ўтказиб юборади. Шунингдек, жамоанинг мотори ҳисобланган Кевин де Бруйне ҳам мазкур учрашувда майдонга тушмайди. Гвардиоланинг айтишича, "Астон Вилла"га қарши учрашувда жароҳат олган футболчи тўрт беш ҳафта майдонга қайтолмайди. Ҳимоячи Натан Аке ҳам "Терф Мур" стадионида бўладиган қарама-қаршиликни ўтказиб юборишини айтиб ўтган.
Қарама-қаршиликлар
"Манчестер Сити" учун "Бёрнли" энг қулай рақиб ҳисобланади. Ҳозиргача бу жамоалар ўртасидаги 22 учрашувнинг фақатгина биттасида ғалаба қозонган бёрнлиликлар учун Гвардиола жамоасига гол уриш ҳам муаммо бўлиб келмоқда. Сўнгги бор 2014-йилда бир ўйинда икки бор "шаҳарликлар" дарвозасига йўл топган Шон Дайч шогирдлари, шундан бери "Сити" дарвозасига 1 тадан кўп гол уролмай келишмоқда. 2015-йилда ўз тарихидаги биринчи марта "Etihad Stadium" эгалари устидан ғалаба қозонган "арилар" ҳозиргача бу ишни яна такрорлай олмаяпти. Манчестерликлар ўтган мавсумда ҳам, жорий мавсумда ҳам "Бёрнли" устида бир хил 5:0 ҳисобида ғалаба қозонган. Шундан келиб айтишимиз мумкинки, бугунги учрашув ҳам голларга бой ўтади.
Эҳтимолий таркиблар
“Бёрнли” (5-4-1): Ник Поп, Меттью Лоутон, Жеймс Тарковски, Кевин Лонг Бен Ми, Эрик Питерс, Робби Брейди, Эшли Вествуд, Дуайт МакНил, Крис Вуд.
“Манчестер Сити” (4-3-3): Эдерсон, Жоау Канселу, Жон Стоунз, Рубен Диаш, Александр Зинченко, Бернарду Силва, Родри, Илкай Гюндоган, Раҳим Стерлинг, Риёд Маҳрез, Фил Фоден.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
