Вадим Абрамов: «Ўрунов ўзи ўйини билан барчасини исботлаб, «Спартак»ка қайтиши мумкин»
Ўзбекистон миллий жамоаси бош мураббийи Вадим Абрамов «Спартак»дан «Уфа»га қайтган Остон Ўрунов ҳақида ўз фикрини билдириб ўтди.
«Барча нарса Ўруновнинг «Спартак»дан кетишига қараб бораётганди. Газизов кетганидан кейин Остон ҳам клубдан кетиши мумкинлиги ҳақида хабарлар юзага келганди. Унинг бошқа жамоада қўним топиши аниқ эди. Агар Ўрунов «Уфа»да ўйин амалиётига эга бўлса, унинг бу қарори тўғри бўлади.
Остон «Спартак»ка қайтиши мумкинми? Ҳар қандай ўйинчида кўтарилиш ва пасайиш даври бўлади. Ҳаммаси ярим ҳимоячининг ўзига боғлиқ. У ўз ўйини билан барча нарсани исботлаши ва «Спартак»ка қайтиши мумкин. Бундай ҳолатлар учраб туради», — деди Абрамов.
Манба: sport24.ru
Киритилди: 07:48, 21.02.2021. Ўқилди: 3383 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар