16 январь куни "Пахтакор" Туркияда биринчи йиғин доирасидаги сўнгги назорат учрашувини ўтказди.
Иккинчи лига вакили бўлган «Аланяспор» жамоаси дарвозаси бир маротаба ишғол қилинган бўлса-да, ўйин тўлиқ Журжевич шогирдлари ташаббуси остида ўтди.
Кичик жароҳатлари туфайли Дилшод Шарофетдинов, Шаҳбоз Эркинов ва Кахи Махарадзе туркларга қарши кечадиган ўйинни ўтказиб юборишга мажбур эдилар. Юқоридаги йўқотишларга қарамай, бу сафар ҳам Журжевич ўз ихтиёрдаги таркибни тенг иккига бўлди. Учрашувнинг биринчи бўлимида қуйидаги футболчилар майдонга тушдилар:
Темур Жўраев, Шибимура, Александр Клецков, Eгор Кримец, Мурод Холмуҳаммедов, Ғулом Ўрунов, Алишер Маҳмудов, Санъат Шихов, Алишер Азизов, Иракли Климиашвили, Баҳриддин Ваҳобов.
Эътиборли жиҳати шундаки, янги мураббий ҳужумкор футболни яхши кўришини ўз тактикаларида исботлаб келаяпти. Биринчи бўлимда битта соф ҳужумчи Ваҳобов ва 3 нафар ҳужумкор ярим ҳимоячилар, Азизов, Шихов ва Климиашвили майдонга тушдилар. Биринчи бўлимнинг 8-дақиқасидаёқ ҳисоб очилиши мумкин эди. Шиховга бироз аниқлик етишмади. Азизовнинг ўнг қанотдан етказиб берган тўпига Шихов бироз кеч қолган эди. Кўп ўтмай Ваҳобов иккита футболчини алдаган ҳолда дарвоза устунини пойлади. Қайтган тўпга етиб келган Мурод Холмуҳаммедовнинг зарбаси бироз ноаниқ бўлди. Бўлим якунига етгунига қадар Ваҳобовда яна битта қулай имконият бўлди.
Иккинчи бўлимда таркибга ўзгартириш киритилди. Александр Лобанов дарвозадан жой олди. Шунингдек, Азамат Бобожонов, Ли, Акмал Холмуродов, Алексей Николаев, Ильдар Магдеев, Нодир Одилов, Тимур Ҳакимов, Акром Баҳриддинов, Санибал Ораховац ва Фарҳод Тожиев майдонга тушдилаер. Бу ерда ҳам ҳужумкорлик сақланиб қолинди. Энди Тожиев соф ҳужумчи ролида, Ҳакимов, Ораховац ва Одилов ҳужумкор ярим ҳимоячи вазифасида. Учрашувдаги ягона гол Алишер Азизов томонидан киритилди. Унга Фарҳод Тожиев чиройли тарзда пас оширган эди. Акром Баҳриддинов ҳисобни 2:0 кўринишга олиб келган эди. Бироқ иккинчи голга голли пас оширган Фарҳод Тожиев бу сафар ўйиндан ташқари ҳолатда қолган эди. Баҳс якунига етишига 10 дақиқа қолганида Игорь Сергеев ҳам майдонга туширилди. Бироқ ҳисоб бошқа ўзгармади ва "Пахтакор" кичик ҳисобда ғалаба қозонди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
