Рўзиқул Бердиев: "ОФК кубогига Суперлига ҳамда кубок ўйинлари орқали тайёрланиб борамиз”
"Насаф" — "Сурхон" учрашувидан сўнг бўлиб ўтган матбуот анжуманида қаршиликлар бош мураббийи беллашув ҳақида ўз фикларини билдириб ўтди.
— Aввало мухлисларимизни ишончли ғалаба билан табриклайман. Мавсум стартида кўп очколар йўқотган эдик. Уларнинг ўрнини тўлдиришимиз керак эди. Ўз ўйинимизни ўзгартирган ҳолда очколар тўплашимиз талаб этиларди. Бунинг уддасидан чиқмоқдамиз. Шу кайфият ва темпда давом этишимиз керак. Жамоамизнинг ўйинини шакллантиришга ва сифатида эътибор қаратмоқдамиз. "Сурхон" ҳимоядан ўйнаб қаршилик кўрсатишга уринишини билар эдик. Шунинг учун имкон қадар шошилмасдан вазиятларимизни кутишимиз лозим эди. Биринчи голгача рақиб муносиб қаршилик кўрсата олди. Шундан сўнг иккинчи бўлимда ўйин тубдан ўзгариб кетди. Устунлик тўлиқ томонимизга ўтди.
— Танаффусда берган кўрсатмаларингизни футболчилар қай даражада бажара олишди?
— Уриб олган голларимиз бизга қўл келди. Рақиб ҳам олдинга ўтишга интилди. Шунинг учун уларда бўш ҳудудлар пайдо бўлишини, улардан фойдаланиш кераклигини айтгандик. Буни амалда уддалай олишди.
— Ойбек Бозоровнинг ҳолати қандай?
— Менимча, бир ҳафталарда машғулотларга қайтади. Ойбекнинг бугун иштирок этмагани, Суҳроб Нуруллоевда ҳам жароҳат борлиги сабаб ўйин схемамизни ҳам ўзгартиришга қарор қилдик. Бундай схемада кўп ўйинлар ўтказганмиз. Чунки таркибимиз катта эмас. Йўқотишлар бўлганида футболчиларнинг жойлашувини ўзгартиришимизга тўғри келади.
— Ўзбекистон кубоги гуруҳ босқичида асосий фаворит сифатида кимни кўрсата оласиз?
— Ўйлайманки, учта Суперлига жамоаларининг имкониятлари баландроқ. Ўзимиз қатнашадиган ҳар бир мусобақада максимал даражада ҳаракат қиламиз. Таркибимиз катта бўлмасада, учта фронтда курашишимизга тўғри келади. Имкон қадар ёшларнинг тажрибасини ва ўзига бўлган ишончини оширишимиз лозим.
— ОФК кубоги баҳсларига тайёргарлик қандай бўляпти?
— Чемпионат ўйинлари орқали тайёрланамиз. ОФК кубоги бошланадиган паллада яхши ҳолатда бўламиз. Тожикистондаги ўйин суъний майдонда ўтиши бизни ўйлантирмоқда. Бу бизга озгина бўлсада қийинчилик туғдириши мумкин. Лекин бу баҳона бўлмайди. Имкон қадар гуруҳдан чиқишимиз керак. Туркманистонда чемпионат давом этмоқда. Тожикистонда иккита тур ўтди. Мусобақага қадар рақибларни ўрганиб чиқамиз.
Манба: fcnasaf.uz
Киритилди: 07:03, 16.04.2021. Ўқилди: 4566 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
