Давлатимиз томонидан Токио-2020 Олимпия ўйинларига йўлланма қўлга киритган спортчиларимиз 100 миллион, уларнинг мураббийлари эса 50 миллион сўмдан пул мукофотларига сазовор бўлиши белгилаб қўйилган. Бугун Туризм ва спорт вазирлигида охирги кунларда Олимпия ўйинлари йўлланмасига сазовор бўлган боксчи ва қиличбозларимиз белгиланган мукофотларига эга бўлишди.
Тантанали тақдирлаш маросимида Ўзбекистон Республикаси Бош вазирининг ўринбосари, Туризм ва спорт вазири Азиз Абдуҳакимов, Рустам Шоабдураҳмонов бошчилигидаги МОҚ раҳбарияти, спортчи ва мураббийлар, ОАВ ходимлари ҳамда кенг спорт жамоатчилиги мутасаддилари иштирок этишди. Тадбир аввалида Азиз Абдуҳакимов спортчиларимизни қўлга киритган муваффақиятлари билан қутлаб ўтди.
“Муҳтарам Президентимизнинг жисмоний тарбия ва спортга қаратаётган эътиборлари самараси билан атлетларимиз халқаро ареналарда юқори ўринларни қўлга киритиб келишмоқда. Бир неча ҳафта ичида 4 нафар боксчимиз ва 3 нафар қиличбозимизнинг Токио-2020 Олимпиадасига йўлланма қўлга киритгани ўзбек спорти мухлисларига қувонч бағишлади. Фурсатдан фойдаланиб, атлетларимизни қўлга киритилган бундай муваффақият билан қутлаб ўтамиз ва уларга бўлажак Олимпия ўйинларида ҳам омад тилаб қоламиз”, – деди Ўзбекистон Республикаси Бош вазирининг ўринбосари.
Шундан сўнг МОҚ раиси Рустам Шоабдураҳмонов ўз фикрлари билан ўртоқлашди:
“Сизларнинг ғалабангиз ёшларга катта мотивация бермоқда. Буларнинг бари ҳукуматимизнинг спортга қаратаётган эътиборининг натижаси. Келажакда ҳам ўз ғалабаларингиз билан халқимизни, юртимизни янада машҳур қилишингизни тилаб қоламиз. Барчангизга омад ёр бўлсин!”.
Шундан сўнг спортчиларимизга ўз мукофотлари топширилди. Унга кўра,
Спортчи Дилшод Рўзметов 100 миллион сўм, унинг мураббийи Фарруҳ Қиличев 50 миллион сўм;
Спортчи Фанат Қаҳрамонов 100 миллион сўм, унинг мураббийи Баҳодир Ҳасанов 50 миллион сўм;
Спортчи Райҳон Қодирова 100 миллион сўм, унинг мураббийи Камолиддин Муталов 50 миллион сўм;
Спортчи Шаҳноза Юнусова 100 миллион сўм, унинг мураббийи Ислом Тожибоев 50 миллион сўм;
Маросимда маълум сабабларга кўра иштирок эта олмаган боксчи қизларимизга совринлари етказиб берилиши таъкидлаб ўтилди.
Тадбир давомида спортчи ва мураббийларимиз давлатимиз томонидан кўрсатилаётган бундай ғамхўрлик учун ташаккур айтиб, бундай эътиборни Токио-2020 Олимпиадасида оқлашга ваъда беришди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
