Маълумки, юртимизда истиқболли ва иқтидорли футболчиларни танлаш ҳамда тайёрлашнинг самарали тизимини яратиш, миллий терма жамоалар ва профессионал футбол клублари учун сифатли спорт захирасини шакллантириш, халқаро талаб ва стандартлар асосида футбол бўйича тренер ва ҳакамларни тайёрлаш, қайта тайёрлаш ва малакасини ошириш масаласига алоҳида эътибор қаратилмоқда. Бунда Ўзбекистон Республикаси Президентининг 2018 йил 16 мартдаги «Футболни янада ривожлантириш чора-тадбирлари тўғрисида»ги қарори муҳим дастуриламал бўлиб келяпти.
Мазкур қарор ижросини таъминлашда Ўзбекистон Республикаси Туризм ва спорт вазирлиги, Миллий олимпия қўмитаси, Ўзбекистон футбол ассоциасияси, маҳаллий ҳокимликлар билан бир қаторда мамлакатимизда фаолият юритаётган йирик компаниялар, тадбиркорлар ҳам фаол иштирок этиб келмоқда. Бу футболимиз ривожига ижобий таъсир кўрсатаётган муҳим тенденциядир.
Кеча, 12 май куни Жиззах шаҳрида BMB Trade Group компанияси «Сўғдиёна» ПФК ўртасида титул ҳомийлиги тўғрисидаги битим имзолангани ҳам шундан далолат беради.
Ушбу маблағлар «Сўғдиёна» футбол клубининг моддий-техника ва илмий-методик базасини мустаҳкамлаш, ўқув-машғулотлари жараёнлари сифатини таъминлаш, болалар футболини ривожлантириш, шунингдек, аҳолининг кенг қатламлари орасида футболни фаол тарғиб қилиш ҳамда оммалаштиришга йўналтирилади.
Таъкидлаш жоизки, бугунги кунда «Сўғдиёна» футбол клуби профессионаллик сари дадил қадам одимламоқда. Буни клуб футбол бўйича Ўзбекистон суперлигасида пешқадамлар қаторида бораётгани ҳам тасдиқлайди.
Клуб томонидан футболчилар ва мураббийлар учун зарур шароитлар яратишга алоҳида эътибор қаратиляпти.
«Сўғдиёна» ПФК қошида академия, футзал, аёллар клуби мавжуд бўлиб, клуб ўз базасида ёш футболчиларни тарбиялаш, футзал ва аёллар футболини ривожлантириш бўйича қатор ишларни амалга ошириб келмоқда.
Клуб катта миқдордаги маблағлар эвазига хориждан легионерларни сотиб олгандан кўра, ўз академиясида маҳаллий футболчиларни тарбиялаб, Ўзбекистон терма жамоаларига ҳам маҳоратли чарм тўп усталарини етказиб беришни мақсад қилган.
Зеро, Жиззах футбол мактаби Даврон Файзиев, Жасур Ҳасанов, Сардор Рашидов, Азиз Ғаниев, Шароф Муҳиддинов, Баҳодир Пардаев каби истеъдод эгаларини тарбиялаб берган.
BMB Trade Group билан ҳомийлик тўғрисидаги битим эса клубнинг ана шу салоҳиятини кенг юзага чиқаришга, Жиззах футболи мактаби имкониятларини кенгайтиришга, ҳудудда болалар футболини жадал ривожлантиришга хизмат қилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
