«Челси» клуби учун унутилмас лаҳзаларни тақдим этган Портудаги ажойиб ғалабадан сўнг, «кўклар» устози Тухель янги трансферлар учун курашга киришиш истагида.
Хабарларга кўра, у ёзги трансферлар учун клуб раҳбариятидан тахминан 200 миллион фунт сўрайди. Лондонликлар устози жамоасининг ҳар бир чизиғи – ҳимоя, ҳужум ва яримҳимоя зоналарини кучайтириб олмоқчи. Шунингдек, хабарларда айнан қайси позиция ўйинчилари сотиб олиниши мумкинлиги ҳам айтиб ўтилган. Унга кўра, Портудаги фантастик ўйинларига қарамай, Рис Жемйс учун кучли рақобат ярата оладиган прототип режаланган. Қолаверса, Тимо Вернер янада ўсиши учун унга ҳам рақобатчи харид қилиниши мумкин.
«Телеграф» нашрига кўра, Томас Тухель шорт-листига олти нафар юлдуз футболчилар киритилган. Ушбу катта номлар таркибида Харри Кейн ҳам мавжуд. Ушбу ёзда «Тоттенхэм»дан кетиши айтилаётган ҳужумчи учун «Челси» жиддий даъвогарлик қилиши мумкин. Шунингдек, АПЛнинг "Олтин бутса" ҳамда "Best Playmaker" совринини қўлга киритган футболчини Манчестер шаҳрининг ҳар иккала клуби ҳам ўз либосида кўриш истагида. Кейн трансфери 150 миллион фунт атрофида баҳоланиши тахмин қилинган.
Шорт-листнинг кейинги номи ҳам маълум. Ушбу ном, «Интер» билан жорий мавсум Италия чемпионига айланган Ромелу Лукакудир. Ҳужумчи жорий мавсумда А серияда 24 та гол уришга муваффақ бўлган. Бельгиялик футболчи Милан шаҳри клубида молиявий муаммолар борлиги туфайли трансфер бўлиш эҳтимоли мавжуд. Унинг нархи 100 миллион фунт стерлинг атрофида бўлади. Лукаку Чемпионлар лигаси финалини ўз агенти билан стадиондан туриб кузатган. Бу эса хабарнинг ишончлилигини англатади.
Германиялик мутахассиснинг кейини нишони — «бўрилар» яримҳимоячиси Адама Траоре. Тухель ушбу футболчини тезроқ сотиб олиш ниятида. Испаниялик футболчи хариди, юқорида айтилгандек, Жеймсга рақобат уюштириш ниятида кўзланган трансфердир.
Клуб «Мюнхенгладбах» футболчиси Йонас Ҳофманн учун ҳам яхши таклиф ҳозирлаган. 28 ёшли футболчи яримҳимоядаги ишларда асқотишига мумкин. «Челси»га Ҳофманнинг Бундеслигадаги ўйинлари маъқул келди. Йигирма битта ўйинда 11 голга узатма амалга оширган немис футболчиси «шпорлар» ва «Лестер»нинг ҳам нишонига айланган.
«Челси» ҳамшаҳар клуби – "Вест Хэм" билан Деклан Райс трансфери учун музокараларга киришиши мумкин. Аммо масала бироз мураккаб. «Болғачилар» 22 ёшли футболчиси учун 100 миллиондан кам нарх белгиламайди. Шу сабабли, клуб арзонроқ вариантни қўллаш ниятида. «Кўклар» скаути назарига тушган «Монако» вакили — Орельен Тчуамени хариди нисбатан енгилроқ битади.
Лондонликлар трансфер бюджети ушбу ёзда бир неча футболчилар сотуви эвазига ортиши мумкин. Жумладан, Тэмми Абрахамни 40 млн. эвазига сотиш режалаштирилган. Шунингдек, ижарадаги футболчи, Фикайо Томори билан «Милан» доимий шартнома имзолаш ниятида.
Трансферлар юзасидан Тухель қуйидаги фикрларни билдириб ўтди: "Янги мавсум учун икки ёки учта янги ўзгаришлар киритиш яхши таъсир беради. Жамоага ҳар доим янги қувват ва янги ғоялар керак. Бизга ортиқча футболчиларни кераги йўқ. Ҳамма ҳаракатлар режа асосида амалга оширилади. Таркибимиз асосан ёш ўйинчилардан иборат. Менга бу ёқади ва улар билан ўсиш яхшироқ кўзга ташланади".
Жалолиддин Исматов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
