«Chelsi» klubi uchun unutilmas lahzalarni taqdim etgan Portudagi ajoyib g‘alabadan so‘ng, «ko‘klar» ustozi Tuxel yangi transferlar uchun kurashga kirishish istagida.
Xabarlarga ko‘ra, u yozgi transferlar uchun klub rahbariyatidan taxminan 200 million funt so‘raydi. Londonliklar ustozi jamoasining har bir chizig‘i – himoya, hujum va yarimhimoya zonalarini kuchaytirib olmoqchi. Shuningdek, xabarlarda aynan qaysi pozisiya o‘yinchilari sotib olinishi mumkinligi ham aytib o‘tilgan. Unga ko‘ra, Portudagi fantastik o‘yinlariga qaramay, Ris Jemys uchun kuchli raqobat yarata oladigan prototip rejalangan. Qolaversa, Timo Verner yanada o‘sishi uchun unga ham raqobatchi xarid qilinishi mumkin.
«Telegraf» nashriga ko‘ra, Tomas Tuxel short-listiga olti nafar yulduz futbolchilar kiritilgan. Ushbu katta nomlar tarkibida Xarri Keyn ham mavjud. Ushbu yozda «Tottenxem»dan ketishi aytilayotgan hujumchi uchun «Chelsi» jiddiy da’vogarlik qilishi mumkin. Shuningdek, APLning "Oltin butsa" hamda "Best Playmaker" sovrinini qo‘lga kiritgan futbolchini Manchester shahrining har ikkala klubi ham o‘z libosida ko‘rish istagida. Keyn transferi 150 million funt atrofida baholanishi taxmin qilingan.
Short-listning keyingi nomi ham ma’lum. Ushbu nom, «Inter» bilan joriy mavsum Italiya chempioniga aylangan Romelu Lukakudir. Hujumchi joriy mavsumda A seriyada 24 ta gol urishga muvaffaq bo‘lgan. Belgiyalik futbolchi Milan shahri klubida moliyaviy muammolar borligi tufayli transfer bo‘lish ehtimoli mavjud. Uning narxi 100 million funt sterling atrofida bo‘ladi. Lukaku Chempionlar ligasi finalini o‘z agenti bilan stadiondan turib kuzatgan. Bu esa xabarning ishonchliligini anglatadi.
Germaniyalik mutaxassisning keyini nishoni — «bo‘rilar» yarimhimoyachisi Adama Traore. Tuxel ushbu futbolchini tezroq sotib olish niyatida. Ispaniyalik futbolchi xaridi, yuqorida aytilgandek, Jeymsga raqobat uyushtirish niyatida ko‘zlangan transferdir.
Klub «Myunxengladbax» futbolchisi Yonas Hofmann uchun ham yaxshi taklif hozirlagan. 28 yoshli futbolchi yarimhimoyadagi ishlarda asqotishiga mumkin. «Chelsi»ga Hofmanning Bundesligadagi o‘yinlari ma’qul keldi. Yigirma bitta o‘yinda 11 golga uzatma amalga oshirgan nemis futbolchisi «shporlar» va «Lester»ning ham nishoniga aylangan.
«Chelsi» hamshahar klubi – "Vest Xem" bilan Deklan Rays transferi uchun muzokaralarga kirishishi mumkin. Ammo masala biroz murakkab. «Bolg‘achilar» 22 yoshli futbolchisi uchun 100 milliondan kam narx belgilamaydi. Shu sababli, klub arzonroq variantni qo‘llash niyatida. «Ko‘klar» skauti nazariga tushgan «Monako» vakili — Orelyen Tchuameni xaridi nisbatan yengilroq bitadi.
Londonliklar transfer byudjeti ushbu yozda bir necha futbolchilar sotuvi evaziga ortishi mumkin. Jumladan, Temmi Abraxamni 40 mln. evaziga sotish rejalashtirilgan. Shuningdek, ijaradagi futbolchi, Fikayo Tomori bilan «Milan» doimiy shartnoma imzolash niyatida.
Transferlar yuzasidan Tuxel quyidagi fikrlarni bildirib o‘tdi: "Yangi mavsum uchun ikki yoki uchta yangi o‘zgarishlar kiritish yaxshi ta’sir beradi. Jamoaga har doim yangi quvvat va yangi g‘oyalar kerak. Bizga ortiqcha futbolchilarni keragi yo‘q. Hamma harakatlar reja asosida amalga oshiriladi. Tarkibimiz asosan yosh o‘yinchilardan iborat. Menga bu yoqadi va ular bilan o‘sish yaxshiroq ko‘zga tashlanadi".
Jaloliddin Ismatov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
