Футбол ТВ шарҳловчиси Ориф Толипов Евро-2020 да кузатилаётган автоголларга атаб ўз фикрларини билдирди.
Европа чемпионатларининг 60 йиллик тарихида дарвозаларга жами 9 та автогол киритилган. Давом этаётган Европа чемпионатида эса мухлислар 8 та автоголнинг гувоҳига айланиб улгуришди.
Тарихда автогол учун унинг муаллифи суиқасдга учраган ёки автогол учун муаллиф мукофотланган ҳолатлар учраган. Бу ҳақда бироз кейинроқ. Ҳозир бу турнирдаги барча автоголларни эслайлик:
• Туркия ҳимоячиси Мерих Демирал Италияга қарши ўйинда ўз жарима майдони ичида экан рақибнинг узатмасини гавдаси билан қайтараман деб дарвозани ишғол қилиб қўйди.
• Германия вакили Матс Ҳуммелс Францияга қарши ўйинда чап томондан жарима майдони марказигайўналтирилган кучли узатмани автоголга айлантирди
• Польша дарвозабони Войцех Шесни словакия вакили чап қанотдан ёриб кириб зарба йўллаганда тўпни қайтара олмади. Ундан ўтиб дарвоза устунига теккан тўп бир лаҳзада Шеснига тегиб қайта дарвозага йўл олди..
• Португалия ҳимоячиси Рубен Диаш Кай Хаверцнинг йўлини тўсаман деб автогол муаллифига айланиб қолди.
• Юқоридагига ўхшаш ҳолат айнан Германияга қарши ўйинда бошқа бир португалиялик билан ҳам юз берди – Рафаел Геррейру билан юз берди.
• Шеснининг тақдири эса финландиялик Лукаш Градецки билан такрорланди. Буни ҳатто анча аламлироқ вазият дейиш мумкин.
• Мартин Дубравканинг голи эса энг кулгили голлардан бири шубҳасиз. У анча йиллар илгари ўйнагани волейболни эсга олди бу вазиятда.
• Бошқа бир словак Юрай Куцка бошқа бир ўйинда ўз дарозасини деярли чизиқ устида туриб ишғол қилди.
Энди юқоридаги икки ҳолат ҳақида. 1974 йил ЖЧда Нидерландлар тарикидаги Руд Крол Болгарияга қарши ўйин чоғи ўз дарвозасини ишғол қилади. Чемпионат якунида голландлар финалгача бориб ГФРга имкониятни бой беришгач ўз юртларига қайтишади. Мусобақа олдидан мамлакатдаги банклардан бири ҳар бир гол учун пул мукофоти вада қилганди. Якуний натижадан мамнун жамоатчилик босими натижасида Крол ҳам автогол учун мукофот пулларини қўлга киритади.
1994 йил ЖЧда эса Колумбия таркидаги Андрес Эскобар АҚШ билан ўйинда автоголни ўз ҳисобига ёзади. Бунинг оқибатлари анча оғир бўлди. Терма жамоа гуруҳ босқичида турнирни тарк этди. Эскобар юртига қайтгач криминал олам нишонига айланади. Умберто Муньос исмли киши уни маҳаллий барлардан бирида топиб, футболчига 6 бор ўқ узади... Ҳа, мана шундай жоҳилликлар ҳам футбол тарихида қолган. Кейинчалик қотил 43 йилга озодликдан маҳрум этилган.
Ориф Толипов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
