Futbol TV sharhlovchisi Orif Tolipov Yevro-2020 da kuzatilayotgan avtogollarga atab o‘z fikrlarini bildirdi.
Yevropa chempionatlarining 60 yillik tarixida darvozalarga jami 9 ta avtogol kiritilgan. Davom etayotgan Yevropa chempionatida esa muxlislar 8 ta avtogolning guvohiga aylanib ulgurishdi.
Tarixda avtogol uchun uning muallifi suiqasdga uchragan yoki avtogol uchun muallif mukofotlangan holatlar uchragan. Bu haqda biroz keyinroq. Hozir bu turnirdagi barcha avtogollarni eslaylik:
• Turkiya himoyachisi Merix Demiral Italiyaga qarshi o‘yinda o‘z jarima maydoni ichida ekan raqibning uzatmasini gavdasi bilan qaytaraman deb darvozani ishg‘ol qilib qo‘ydi.
• Germaniya vakili Mats Hummels Fransiyaga qarshi o‘yinda chap tomondan jarima maydoni markazigayo‘naltirilgan kuchli uzatmani avtogolga aylantirdi
• Polsha darvozaboni Voysex Shesni slovakiya vakili chap qanotdan yorib kirib zarba yo‘llaganda to‘pni qaytara olmadi. Undan o‘tib darvoza ustuniga tekkan to‘p bir lahzada Shesniga tegib qayta darvozaga yo‘l oldi..
• Portugaliya himoyachisi Ruben Diash Kay Xaversning yo‘lini to‘saman deb avtogol muallifiga aylanib qoldi.
• Yuqoridagiga o‘xshash holat aynan Germaniyaga qarshi o‘yinda boshqa bir portugaliyalik bilan ham yuz berdi – Rafayel Gerreyru bilan yuz berdi.
• Shesnining taqdiri esa finlandiyalik Lukash Gradeski bilan takrorlandi. Buni hatto ancha alamliroq vaziyat deyish mumkin.
• Martin Dubravkaning goli esa eng kulgili gollardan biri shubhasiz. U ancha yillar ilgari o‘ynagani voleybolni esga oldi bu vaziyatda.
• Boshqa bir slovak Yuray Kuska boshqa bir o‘yinda o‘z darozasini deyarli chiziq ustida turib ishg‘ol qildi.
Endi yuqoridagi ikki holat haqida. 1974 yil JCHda Niderlandlar tarikidagi Rud Krol Bolgariyaga qarshi o‘yin chog‘i o‘z darvozasini ishg‘ol qiladi. Chempionat yakunida gollandlar finalgacha borib GFRga imkoniyatni boy berishgach o‘z yurtlariga qaytishadi. Musobaqa oldidan mamlakatdagi banklardan biri har bir gol uchun pul mukofoti vada qilgandi. Yakuniy natijadan mamnun jamoatchilik bosimi natijasida Krol ham avtogol uchun mukofot pullarini qo‘lga kiritadi.
1994 yil JCHda esa Kolumbiya tarkidagi Andres Eskobar AQSH bilan o‘yinda avtogolni o‘z hisobiga yozadi. Buning oqibatlari ancha og‘ir bo‘ldi. Terma jamoa guruh bosqichida turnirni tark etdi. Eskobar yurtiga qaytgach kriminal olam nishoniga aylanadi. Umberto Munyos ismli kishi uni mahalliy barlardan birida topib, futbolchiga 6 bor o‘q uzadi... Ha, mana shunday johilliklar ham futbol tarixida qolgan. Keyinchalik qotil 43 yilga ozodlikdan mahrum etilgan.
Orif Tolipov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
