Владимир Фомичёв: «Машъал»да ҳозирча жиддий ўзгаришлар йўқ
Муборакнинг "Машъал" клуби бош мураббийи Владимир Фомичев жамоанинг тайёргарлиги ҳақида гапириб ўтди.
«Тошкентда олиб борилаётган йиғин ҳам ниҳоясига етяпти. 11 февраль куни Туркияга учиб кетамиз ва у ерда ойнинг охиригача бўламиз. Туркияда 5та ўртоқлик учрашуви ўтказишни режалаштириб қўйганмиз».
«Ҳозирча, жамоамиз сафида жиддий ўзгаришлар йўқ. Самандар Шодмоновнинг яна «Машъал»га қайтганини ҳисобга олмаганда, ҳозирча фақат бир нафар футболчи – финляндиялик Тони Линдберг билан шартнома туздик. Тони – яхши ҳимоячи, у Ўзбекистонда ўзини кўрсатишига ишонаман. Машғулотларда иштирок этаётган Расул Шуҳратов билан Артём Петросяннинг клубда қолиш-қолмаслиги ҳақида ҳозирча бир нарса дея олмайман», дейди қозоғистонлик мутахассис "Спорт" телеканалига берган интервиюси чоғида.
Манба: www.fcmashal.uz
Киритилди: 19:49, 08.02.2012. Ўқилди: 11071 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).