Бир ойлик танаффусдан кейин давом эттирилган мамлакат миллий чемпионатининг 13-турида “Металлург” Навоийнинг “Қизилқум” жамоасини қабул қилди ва аламли мағлубиятга учради.
Учрашувнинг дастлабки дақиқалариданоқ майдон эгалари ҳужумга зўр беришди. Ташаббусни тўлиқ қўлга олган бекободликлар биринчи бўлимда меҳмонларни жарима майдони ичига қамаб қўйди. Бирин кетин хавфли вазиятлар яратилди. Бироқ меҳмонларнинг ҳимоя чизиғи вакиллари, биринчи галда дарвозабон ишончли ўйнади. Тажрибали Нестеров икки марта жамоасини муқаррар голлардан сақлади. Биринчи Иброҳим Ибрагимовнинг дарвозанинг юқори бурчагига йўллаган зарбасини майдон ташқарисига чиқариб юборган бўлса, бир сафар Шаҳзодбек Ғофурбековнинг тепган тўпи ҳимоячига тегиб йўналишини ўзгартирган бўлса-да, тўпни ушлаб олишга эришди. Меҳмонлар асосан қарши ҳужум тактикасига таянишди. Аммо мезбонлар уларга ҳужумда имконият беришмади.
Танаффусдан кейин меҳмонлар ўйинни ҳужумкор тарзда бошлашди. Аввалига жарима зарбасини Александр Лобанов қайтарди. Сўнгра Элгужа Григалашвили тепган тўп дарвоза устуни ёнгинасидан ўтиб кетди. Аммо тез орада “Қизилқум” барибир ўз мақсадига эришди. Аввалига Мате Ватсадсэ жуда чиройли гол киритди. Иккинчи вазиятда эса бироз баҳсли ҳолат бўлди. Элгужа Григалашвили ўйиндан ташқари ҳолатда турганда тўп унга узатилганди. Йўл йўлакай тўп Исматуллаевнинг бошига текканлиги учун ўйин давом эттирилди ва Григалашвили ҳисобдаги фарқни оширди.
Мезбонлар шундан кейин босимни кескин оширишди ва тезда жавоб голини киритишди. Бурчакдан тўп жарима майдонига узатилганда Зоҳид Абдуллаев дарвозабон ва ҳимоячиларни чалғитди. Тўп эса дарвозанинг олис бурчагига бориб тушди. Гол “Металлург” сафида дебют учрашувини ўтказаётган Иброҳим Ибрагимов ҳисобига ёзилди.
Майдон эгалари учрашув охиригача босимни оширди. Кўплаб вазиятлар яратилди. Бироқ ҳисобни ўзгартиришга улар муваффақ бўла олишмади. “Металлург” ҳужумкор футбол намойиш этиб, ютқазди.
Coca Cola Суперлига. 13-тур
“Металлург” – “Қизилқум” – 1:2 (0:0)
Ҳакамлар: Вадим Агишев, Сардор Нишонбоев, Аваз Абдуллаев, Комилжон Расулов.
Назоратчи: Игорь Нехочин.
Комиссар: Жамшид Имамов.
Гол: Мате Ватсадзе (56), Элгужа Григалашвили (65), Иброҳим Ибрагимов (67).
"Металлург": 12. Александр Лобанов, 6. Худойшукур Сатторов, 7. Руслан Розиев (10. Шаҳзодбек Нурматов, 72), 8. Саламат Қуттибоев, 14. Аброр Тошқўзиев, 22. Шаҳзодбек Ғофурбеков (90. Абдураҳмон Абдулҳақов, 72), 30. Иброҳим Ибрагимов, 48. Дилшод Раҳматуллаев, 55. Акбар Исматуллаев (с), 80. Фаррух Иброҳимов, 98. Дамир Темиров (15. Зоҳид Абдуллаев, 61)
"Қизилқум": 1. Игнатий Нестеров, 6. Эркин Байдуллаев, 7. Ислом Кенжабоев, 8. Георгий Кухианидзе, 10. Мате Ватсадзе, 14. Файзулла Қамбаров, 17. Салим Мустафоев, 18. Жасур Азимов, 20. Ислом Тўхтахўжаев, 30. Элгужа Григалашвили, 75. Олег Толмасов
Захира: 22. Артём Макосин, 4. Миржалол Қосимов, 9. Беҳруз Садиллоев, 19. Жамшид Ҳасанов, 25. Азизбек Усмонов, 32. Илҳомжон Кенжаев, 44. Ҳумоюн Абдуалимов, 71. Тимур Набиев, 92. Владислав Алексин.
Огоҳлантиришлар: Фаррух Иброҳимов (48), Эркин Бойдуллаев (58), Акбар Исматуллаев (59), Иброҳим Ибрагимов (61), Зоҳид Абдуллаев (63), Ислом Кенжабоев (80).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
