«Локомотив» жамоаси мавсумолди тайёргарлик жараёнидаги иккинчи хориж йиғинини ўташ учун эртага БААга жўнаб кетди. Ушбу сафар олдидан темирйўлчилар кеча «Чилонзор» стадионининг сунъий қопламали майдонида «Олмалиқ» жамоасига қарши назорат-синов учрашувида майдонга тушишди. Шуни таъкидлаш керак, ҳар иккала жамоа ўзининг оптимал таркиби билан тўп суришга ҳаракат қилди. Аммо, турли сабабларга кўра томонлардан айрим футболчилар майдонга туша олишмади. Жумладан, Шквирин ҳам, Оганесян ҳам олимпия терма жамоаси аъзолари хизматидан фойдаланишолмади. Шунга қарамай майдонда кескин ва муросасиз кураш кечди. Ўйин тақдирини биргина тўп ҳал қилди. «Олмалиқ» вакили Достон Абдураҳмоновнинг жарима майдони яқинидан берган зарбаси ҳимоячига тегиб йўналишини ўзгартирди ва дарвоза тўридан жой олди.
Тажрибали Бугало ҳам бундай вазиятда жамоасини қутқариб қололмади.
Иккинчи бўлимда «Локо» ташаббусни ўз томонига оғдиришга муваффақ бўлди. Бироқ, уларга Харчик ва кейинчалик унинг ўрнини эгаллаган Темур Ғаниев қўриқлаётган дарвозага йўл топиш насиб этмади. Шундай қилиб, «Локомотив» ва «Олмалиқ» клубларининг мавсумолди тайёргарлик босқичида ўтказган иккинчи ўртоқлик ўйинида Игорь Шквирин шогирдларининг қўллари баланд келди. Эслатиб ўтамиз, биринчи ўйинда темирйўлчилар йирик – 4:1 ҳисобида ғалаба қозонишган эди.
Назорат ўйини
“Олмалиқ” – “Локомотив” 1:0 (1:0)
Гол: Достон Абдурахмонов 45.
Четлатиш: Евгений Гоголь 35.
“Олмалиқ”: Павел Харчик (Тимур Ғаниев), Баҳром Юлдашев (Ильдар Юлдашев), Евгений Гоголь (Тадас Гражюнас), Дарко Станоевич (Эдигижус Мажус), Шуҳрат Мусаев (Ориф Мамажонов), Исроил Эргашев, Достон Абдураҳмонов, Артём Никитенко, Маъруф Муродов (Мурод Тошматов), Санжар Шоаҳмедов (Ринат Байрамов), Абдураззоқ Жўраев (Жаъфар Ирисметов).
“Локомотив”: Павел Бугало, Ислом Иномов, Бахтиёр Умаров, Дилшод Жабборов, Шерзод Шарипов, Иброҳим Раҳимов, Ромик Хачатрян, Элёр Жаҳонов (Садриддин Абдуллаев), Бобур Аълохўжаев (Аюб Номанов), Павел Соломин (Жора Оганесян), Зайниддин Тожиев.
Ҳакам: Рустам Тошмуҳаммедов (1-тайм), Исҳоқ Ибрагимов (2-тайм).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
