Англия Премьер-Лигаси 2-туридан ўрин олган «Саутгемптон» ва "Манчестер Юнайтед" учрашуви бугун ўтказилади.
Мазкур баҳс олдидан қизиқарли маълумотларни келтириб ўтамиз.
«Саутгемптон» ўз уйида бўлган МЮга қарши 10 баҳснинг барчасида ғалаба қозона олмаган (4 дуранг, 6 мағлубият). Яна бир қизиқ томони шундаки, ушбу ўйинларнинг олтитасида жамоа ҳисобда олдинда борган.
Адам Армстронг АПЛ доирасида «Саутгемптон» учун ўзининг дастлабки икки ўйинида гол киритган учинчи футболчи бўлиши мумкин. Бунга қадар Маноло Габбиадини (2017) ва Анри Камара (2005) ушбу ишни уддалашган.
Мағлубиятдан қутулиб қолинган тақдирда, МЮ «Арсенал»нинг 2003-2004 йиллар давомида қайд этган сафардаги 27 мағлубиятсиз церийасини такрорлаган бўлади.
"Манчестер Юнайтед" жорий йилнинг февраль ойида «Саутгемптон» клубини 9:0 ҳисобида мағлуб этиб, АПЛ тарихида энг йирик ғалабани қўлга киритган жамоага айланган эди.
Баҳс расмийлари
Бош ҳакам: Крейг Поусон
Қанот ҳакамлар: Ян Ҳассин, Ричард Вест
Захира ҳаками: Жарред Жиллет
ВАР: Андре Марринер
ВАР ёрдамчиси: Ли Битс
Жамоалар АПЛда умумий 44 марта тўқнаш келишган. Уларнинг 28 тасида манкунианликлар ғалаба қозонган, 7 бор эса мағлуб бўлишган ва 9 учрашувда ғолиб номи аниқланмаган.
Тахминий таркиблар
Саутгемптон — МакКарти, Уокер-Питерс, Беднарек, Салису, Перрауд, Армстронг, Ромеу, Уорд-Проус, Женепо, Адамс, Армстронг
МЮ — Де Хеа, Ван-Биссака, Магуайр, Линделёф, Шоу, Фред, МакТомини, Фернандеш, Погба, Санчо, Гринвуд.
Йўқотишлар
Уилям Смолбоун, Сам МакКвин каби футболчилар жароҳат боис мезбонларга ёрдам бера олишмайди.
"Қизил иблислар" сафида эса Маркус Решфорд ва Алекс Теллесда жароҳат мавжуд бўлса, Фил Жонс, Дин Ҳендерсон, Эдинсон Кавани формада эмаслиги учун баҳсда қатнаша олишмайди.
Рақамлар
МЮ АПЛнинг кетма-кет 26 сафар ўйинда мағлубият нима эканлигини билмай келмоқда.
Барча мусобақаларда МЮ «Саутгемптон»га қарши қаторасига 13 ўйиндан бери ютқазмаяпти.
«Саутгемптон» Премьер-Лига доирасидаги сўнгги 3 ўйинда имкониятни бой бериб қўйган.
АПЛ 1-турида «Саутгемптон» «Эвертон»да меҳмон бўлиб 1:3 ҳисобида мағлубиятга учраган эди. Бруно Фернандеш ва Пол Погбанинг бенефисига айланган "Манчестер Юнайтед" - «Лидс» баҳсида 5:1 натижаси қайд этилган эди.
Эслатиб ўтамиз, «Саутгемптон» - МЮ ўйини бугун Тошкент вақти билан соат 18:00 да бошланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
