“Cити” - ПСЖ учрашуви Чемпионлар лигасида Роналду ва Месси ўртасидаги янги учрашуви бўлиши мумкин.
Европадаги трансфер ойнасининг охирги ҳафтаси бизга барибир Роналдунинг “Ювентус”ни тарк этиши мумкинлиги ҳақида бонг ура бошлади. La Gazette dello Sport хабарига кўра, Криштиану кетиш арафасида. А Сериянинг биринчи турида у захирада қолди (захирадан майдонга тушди, гол урди, лекин гол бекор қилинди), у атайлаб захирада қолди.
“Ҳеч нима бўлмаган жойда сенсация яратмаслик керак. Бу қарор футболчи билан биргаликда қабул қилинган. Шубҳасиз, мавсум бошида у энг яхши формада эмас. Ишонч билан айта оламанки, у бу мавсумда “Ювентус”да қолади“, – деган эди вице-президент Павел Недвед.
Фабрицио Романо пайшанба куни кечқурун Криштианунинг “Юве”га кетиши ҳақида расман хабар берганини эълон қилди ва Жанлука ди Марцио Роналду ўз нарсаларини клуб базасидан олиб чиқиб кетганини қўшимча қилди.
Мендеш ва “Юве“ ўртасидаги учрашув
Чоршанба куни Криштианунинг агенти Хорхе Мендеш шахсий самолёти билан Туринга учиб келди. Трансферлар “қироли” аввал Роналду билан учрашиб, кейиб клуб расмийлари билан суҳбатлашган.
• Криштиануга асосий даъвогар – “Манчестер Сити“. Гвардиола Ҳарри Кейн ҳақидаги орзуларидан воз кечди ва биттагина соф ҳужумчи Габриел Жезус билан қолди. Шунинг учун, Пеп ва шайхлар захира режасига ўтдилар ва бошқа ҳужумчини қидирмоқдалар, кейин Криштиану трансфер бозорида пайдо бўлди. Чалкашлик шундаки, Роналдуни Кейн каби марказий ҳужумчи деб аташ мумкин эмас, лекин, эҳтимол, суперюлдуз марказий ҳужумда ўзини синаб кўрар.
• La Gazette dello Sport ёзишича, Криштианунинг ўзига “Ман Сити” варианти маъқул бўлган, лекин пул масаласини ҳал қилиши керак. “Ювентус” Роналду учун 25 миллион евро сўрамоқда, “Сити” эса суперюлдузни текинга олмоқчи. Тасаввур қилиб кўринг Роналду 25 миллион евро!
• Роналду ва “Сити” ўртасидаги дастлабки музокаралар муаммосиз ўтди. Sky Sports Italia хабар беришича, инглиз клуби португалияликка 2023 йилгача шартнома ва мавсум учун 15 миллион евро маош таклиф қилган - бу Роналдунинг “Юве”да оладиган пулидан 2 баробар кам. Аs нашрининг ёзишича, Роналду бунга рози.
• Роналдуни “Сити” футболчиларидан бирига алмаштириш варианти муҳокама қилинди, лекин бу қийин вариант эди. Вариантлардан бири ўша Габриел Жесус, лекин Пеп ҳужумчини Криштиану учун келишувга қўшишни истамайди.
• Криштиану учун “Манчестер Сити” ягона вариант эмас. Роналдунинг трансферини ҳатто ПСЖ хўжайинининг акаси ҳам хоҳламоқда. У расмни Месси ва Криш парижликлар формасидаги расмни ижтимоий тармоқ жойлаштирган ва изоҳига “Балки ?”, дея ёзиб қолдирган.
Кеча кечаси Хорхе Мендеш Парижга учиб кетганини журналистлар эълон қилди. Аммо парижликлар раҳбарияти бу вариант кўриб чиқилмаётганини айтишди.
“Реал”га қайтишни фараз қилиш мумкин, лекин Маrcа ва Аs ёзишича, Флорентино Переснинг устувор вазифаси Килиан Мбаппе.
Мендес ва “Юве” учрашувидан кейин нима бўлди ?
Агент Туринда 18 соатдан кўп бўлмаган. Пайшанба куни тушдан кейин у барча учрашувларни тугатди ва ҳеч нарсага эришмади, лекин мижознинг илтимосини бажариш керак эди. (Юведан кетиш).
• Асосийси: “Юве” футболчини 25 миллионга қўйиб юборишини аниқ айтди, лекин фақат битта ҳолатда: агар пайшанба куни кечқурун аниқ харидор топилсагина. Туринликларга ҳам ўринбосар топиш учун вақт керак. Шундай қилиб, Мендеснинг кейинги бир неча соатлик вазифаси 25 миллион еврога харидор топиш.
• Агар Мендеш ҳеч қайси клуб билан белгиланган муддатгача келишувга эришмаса, Роналду “Юве”да қолади.
• Роналдунинг ўзида эса кетиш кайфиятини кузатиш мумкин. У кечаги машғулотларни якунламасдан клуб базасини тарк этган.
Руслан Максимов тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
