Италия жаҳон рекордини ўрнатди
Италия терма жамоаси ЖЧ-2022 саралаш босқичи доирасида Швейцария меҳмони бўлиб, дурангга имзо чекди (0:0).
Роберто Манчини жамоаси мағлубиятсиз ўйинлар сериясини 36тага етказиб, миллий ва жаҳон рекордини янгилади. Италия термасининг аввалги рекорди 1935-1939 йиллар оралиғида ўрнатилган бўлиб, ўшанда Витторио Поццо қўлостидаги жамоаси 30та ўйинда мағлубият нималигини билмаган эди.
Жаҳон рекорди эса бунгача 2та терма жамоага тегишли эди. Бразилия 1993-1996 йилларда, Испания эса 2007-2009 йиллар давомида 35та учрашувда ютқазмаган эди.
Италия сўнгги марта 2018 йилнинг сентябрь ойида Миллатлар лигаси доирасида Португалияга имкониятни бой берган эди.
Манба: sports.ru
Киритилди: 06:24, 06.09.2021. Ўқилди: 5719 марта. Фикрлар: 20 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).