Икки ҳафталик танаффусдан кейин бугун АПЛ яна қайтади. 11 сентябрда бир қанча баҳслар старти белгилаб қўйилган. 2021 йилнинг ёзги трансферлар ойнаси ўтган ой якунида расман ёпилди. Эндиликда ҳар бир клуб қишнинг январь ойигача таркибида кимлар борлигини таҳлиллаб олади. «Арсенал», «Челси» ҳамда «Тоттенхем»лар ўз таркибини кучайтириш билан банд эди. Улар бир нечта янги номларни жалб эта олишди. Шунингдек, «МЮ», «Ман Сити», ва «Ливерпуль» ҳам ёзда актив эдилар. Қуйида сиз билан бугун ва эртага кимлар дебют ўйинини ўтказиши мумкинлигини ҳақида гаплашамиз.
1. Криштиану Роналду – «МЮ»
Шубҳа йўқки, ёзги ойнада Роналдунинг Олд Траффордга кўчиси энг катта шов-шувлардан бири бўлди. Унинг шартномаси сўнгги соатларда эълон қилинди ва португалияликнинг дебюти халқаро танаффус туфайли кечикиброқ амалга ошадиган бўлганди. «МЮ» устози Сульшер бугун «Ньюкасл» билан баҳсда Роналду майдонга тушиши мумкинлигини айтиб ўтган.
2. Курт Зума – «Вэст Хем Юнайтед»
Зума ўзининг 7 йиллик Стемфорд Бриждаги фаолиятига бу мавсум аввалида якун ясади. У Лондоннинг бошқа бир клуби «Челси»га ўтди. 26 ёшли футболчи «аристократлар» сафида УЕФА Супер кубогида «Вильяреал»га қарши иштирок этди ва ғалаба қозонди. Энди у ҳам «болғачилар»нинг шанба кунги «Саутгемптон» билан ўйинида дебют қилиши мумкин бўлади.
3. Ибраҳима Конате – «Ливерпуль»
«Ливерпуль» Конате трансферини ойнанинг бошидаёқ тасдиқлаган эди. У «Лейпзиг»дан ташриф буюрган. Жамоанинг асосий футболчилари Ван Дейк ҳамда Жо Гомез сафга қайтгани ҳамда Жоэл Матипнинг яхши формада экани, француз футболчисини заҳирага михлаб қўйиши мумкин. Шундай бўлса ҳам 22 ёшли Конате «Лидс»га қарши ўйинда дебют қилиш эҳтимоли бор. Негаки, Клопп Англиядаги, балки дунёнинг ҳам энг ротацияга мойил мутахассиси ҳисобланади.
4. Майкл Олис – «Кристал Пелас»
«Кристал Пелас» Майкл Олисни чемпион «Ридинг»даги ажойиб ўйинлари туфайли сотиб олди. «Бургутлар» устози Патрик Виейранинг гапига кўра, ёш футболчи «Шпорлар»га қарши шанба кунги ўйинда дебют қилиши белгиланган. Бу дебют асосий таркибдан бўладими ёки заҳирадан, Олис янги клубда ҳаракат қилишни бугундан бошлаб юбориши мумкин. У «Тоттенхем»нинг муваффақиятли одимини тўхтатишга хизмат қилиши керак.
5. Такехиру Томиясу – «Арсенал»
Томиясу Италия клуби «Болонья»дан Лондонга ташриф буюрди. Футболчининг трансфери ёзнинг сўнгги кунида эълон қилинди. У 16 миллион фунт эвазига сотиб олинган. Япон ҳимоячиси ҳафта давомида жамоа билан бирга машғулот ўтади. У Микел Артета ижозати билан «Норвич»га қарши мудофаа қўрғонини ҳимоялашда ёрдам бериши мумкин. Клуб ўз ҳимоясини тартибга келтириш ҳамда мустаҳкамлаш учун мавсум аввалида 70 миллион фунтдан зиёдроқ маблағ сарф этган.
инглиз тилидан Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
