Англия Премьер-Лигаси 7-турида «Челси» ўз майдонида «Саутгемптон»ни қабул қилади.
Биласизми?
Томас Тухелнинг қўлостида «Челси» Англия-Премьер-Лигасида 4 марта ютқазган ва шулардан учтаси "Стемфорд Бридж"да содир бўлган. «Кўклар» 2019 йилнинг декабридан бери кетма-кет икки уй ўйинида мағлубиятга учрамаган. Ўшанда иккинчи мағлубият «Саутгемптон»га қарҳси баҳсда қабул қилиб олинган.
Ромелу Лукаку АПЛда «Саутгемптон»га қарши 12 ўйинда 9 гол уришга эришган. Бельгиялик мусобақадаги бошқа ҳеч бир клубга 9дан зиёд гол урмаган (шунингдек, "Вест Хем"га ҳам тўққизта).
«Саутгемптон» «Челси» майдонидаги 22 АПЛ ўйинида 19 очко жамғарган (4Ғ, 7Д, 11М). Фақатгина "Астон Вилла" (27) ҳамда "Кристал Пелас" (21) клубдан кўпроқ сафар очколарига эга бўлишган.
Адам Армстронг жорий мавсум Премьер-Лигада исталган жамоадошидан кўпроқ дарвозага зарба (19) берган. Шунингдек, 6 марта вазият яратган. Шу тариқа у жамоанинг 33 фоиз уринишларида (25/75) иштирок этган.
Баҳс расмийлари
Бош ҳакам: Мартин Аткинсон
Қанот ҳакамлари: Питер Киркап, Ник Ҳоптон
Захира ҳаками: Жарред Гиллет
ВАР: Майк Дин
ВАР ёрдамчиси: Ян Ҳассин
Тахминий таркиблар
Челси - Менди, Чалоба, Рюдигар, Кристенсен, Аспиликуэта, Чилуэлл, Ковачич, Жоржинё, Вернер, Маунт, Лукаку
Саутгемптон - МакКарти, Ливраменто, Беднарек, Салису, Укер-Питерс, Эл-Юнусси, Ромеу, Уорд-Проус, Женепо, Адамс, Армстронг.
Йўқотишлар
Кристиан Пулишич ҳамон жароҳатидан тикланиш билан банд бўлса, Рис Жеймс ва Мейсон Маунт жароҳатидан кейин тўлиқ формага кирмаган ва уларнинг майдонга тушиши сўроқ остида. Нголо Канте эса бошқа сабабга кўра майдонга туша олмайди.
Смоллбоун ва Стефенс шикастлангани туфайли «Саутгемптон»га ёрдам бера олмайди. Броха дисквалификация қилинган. Уолкот ва Армстроннинг майдонга тушиши сўроқ остида.
Рақамлар
«Саутгемптон» охирги уч ўйинда гол уришни уддалай олмади (Премьер-Лига).
«Саутгемптон» сўнгги 8 сафар ўйинида ғалабага эриша олмади (Премьер-Лига).
АПЛ доирасида «Саутгамптон»нинг охирги 3 ўйинида 2,5 тадан камроқ гол киритилган.
«Челси» барча мусобақаларда «Саутгемптон»га қарши сўнгги 12 баҳснинг 11тасида мағлубиятга учрамаган.
Жамоалар ўзаро 44 бор тўқнаш келишган. Шулардан 24 баҳсда «аристократлар», 9 ўйинда эса «Саутгемптон» ғалаба қозонган. 11 беллашувда дуранг қайд этилган.
Айни вақтда «Челси» 13 очко билан учинчи, меҳмонлар эса 4 очко жамғарган ҳолда АПЛнинг 16-поғонасидан жой олган.
Эслатиб ўтамиз, мазкур баҳс бугун Тошкент вақти билан 19:00да старт олиши кўзда тутилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
