АПЛ 11-тури доирасида «Челси» ўз майдонида «Бёрнли»ни қабул қилади.
Биласизми?
Ушбу жамоаларнинг Премьер-Лигадаги барча 14 ўйинининг биринчи бўлимида камида биттадан гол киритилган. Бу АПЛ тарихида ўйиннинг илк 45 дақиқаси ичида камида битта гол урилган баҳслар ичида пешқадам бўлиб турган тўқнашув ҳисобланади.
Бу Томас Тухелнинг «Челси» бошқарувидаги АПЛда 30-ўйини бўлади. Унинг январдан, биринчи ўйинидан бери жамоаси 18 баҳсда гол ўтказиб юбормади. Бу натижа бўйича у исталган жамооадан яхши натижа қайд этди. Фақатгина Жозе Моуринё ўз даврида илк 30 ўйинда 22 “қуруқ ўйин” ўтказишни уддалаган ва Тухелдан яхшироқ кўрсаткич қайд этган.
«Бёрнли» «Челси»га қарши ўйинларда 6 очкодан бештасини “Стемфорд Бридж”даги баҳсларда киритган (1 ғалаба, 2 дуранг, 4 мағлубият). АПЛдаги Лондон ўказилган илк 30 беллашувдан (4 дуранг, 23 мағлубият) учтасида ғалаба қозонган «Бёрнли», пойтахтга охирги 8 ташрифидан бештасида ғалаба қозонишга эришган.
«Бёрнли» аъзоси Максвелл Корнет охирги 5 АПЛ учрашувида 4 гол уришга эришди. Бу хавфли зонада турган жамоа футболчилари орасида илк 5 Премьер-Лига баҳсида энг кўп гол урган футболчи сифатида эътироф этилишига сабаб бўлди. Шунингдек, Демба Ба ҳам 2011 йилнинг февраль-март ойларида “Вест Хем” сафида худди шундай натижа қайд этган.
Баҳс расмийлари
Бош ҳакам: Андре Марринер
Қанот ҳакамлари: Симон Лонг, Скотт Леджер
Захира ҳаками: Майкл Селисбури
ВАР: Майк Дин
ВАР ёрдамчиси: Эдди Смарт
Тахминий таркиблар
«Челси»: Менди, Аспиликуэта, Силва, Рюдигер, Чилуэлл, Жеймс, Жоржино, Лофтус-Чик, Ҳадсон-Одои, Зиеш, Хавертс
«Бёрнли»: Поуп, Лоутон, Тарковски, Ми, Тейлор, Браунҳилл, Корк. Гудмундссон. МакНил, Вуд, Корнет
Жамоа хабарлари
Кристиан Пулишич августда олган жароҳатидан кейин ушбу ҳафта ўртасида ўтказилган ЕЧЛ баҳсида ўзининг илк ўйинини ўтказди. Нголо Канте «Малмё»га қарши ўйинда таваккал қилиб туширилгани йўқ, аммо «Бёрнли» билан баҳсда унинг иштирокини Тухел кутмоқда. Рубен Лофтус-Чик Чемпионлар Лигасидаги ёрқин ўйинидан кейин ўз навбатини кутиш билан банд. Мейсон Маунт касаллиги боис икки учрашувни ўтказиб юборди ва вазн йўқотиши эвазига бугунги баҳсни асосий таркибда бошламаслиги мумкин. Ҳаким Зиеш «Челси»нинг охирги ўйинида ғалаба голини киритгани учун ҳам бошланғич таркибда тушиш эҳтимоли yuqori. Лукаку, Вернер, Ковачич ҳамда Алонсо сафдан чиқишган. Тиаго Силва кетма-кет иккинчи ўйинда ўйнай омаса, унин ўрнига Трево Чалоба вариант бўлиб турибди.
Максвел Корнет ҳозирда яхши формада бўлиб турибди ва лондонликларга қарши асосий таркибда тушиш эҳтимоли юқори. Дейл Стефенс ҳамда Уэйн Хеннеси жароҳати боис иштирок эта олмаслиги мумкин.
Рақамлар
«Челси» барча мусобақларда «Бёрнли»га қарши охирги 8 учрашувнинг барчасида камида иккитадан гол урган.
«Челси» сўнгги 7 баҳснинг олтитасида ғалаба қозонган (Премьер-Лига).
«Челси» барча мусобақаларда «Бёрнли»га қарши охирги 4 учрашувда фақат ғалаба қозонган.
«Аристократлар» бугунги рақибга қарши охирги 3 учрашувда бирорта гол ўтказиб юборишмаган (барча мусобақаларда).
«Бёрнли» АПЛ доирасидаги охирги 6 сафар учрашувида ғалаба қозонишни уддалай олмаган.
Томонлар АПЛда ўзаро 14 марта учрашишган. 10 маротаба лондонликлар, 1 маротаба «Бёрнли» зафар қучган. 3 баҳсда дуринг қайд этилган.
Эслатиб ўтамиз, бугунги баҳс Тошкент вақти билан 20:00да бошланиши режалаштирилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
