Тошкентнинг «Локомотив» клуби 12 март, душанба куни тақдимот маросимини ўтказди. Тақдимот маросими вақтида жамоа таркибига қўшилган янги футболчилар, жамоада иш бошлаган янги мураббийлар, шунингдек, жамоанинг янги мавсум учун либослари ҳамда клубнинг янги логотипи таништирилди.
Ўзбекистон миллий терма жамоасига номзод ҳисобланган Ислом Тўхтахўжаев, Александр Шадрин, Иброҳим Раҳимов, Ислом Иномов, Арманистон терма жамоасига номзод Жора Оганесян, Арманистон терма жамоасининг собиқ аъзоси Ромик Хачатрян каби футболчилари 2012 йилги мавсумни «Локомотив»да ўтказишади. Шунингдек, футболчилик фаолиятини Ашхободнинг «Ниса» жамоасида бошлаб, сўнгги мавсумни Саратовнинг «Сокол» жамоасида ўтказган Максим Казанков ҳамда Франциянинг «Анжер», «Стад Монтуа», «Де Дакс» жамоаларида тўп сурган Муҳаммад Бинди Мустафо ҳам «Локомотив» билан шартнома имзолади.
Арманистоннинг ХХ асрдаги энг яхши футболчиси, 1990-91 йилларда «Пахтакор» жамоаси таркибида ҳам самарали фаолият олиб борган афсонавий футболчи, ўз вақтида Арманистон миллий терма жамоаси ва Арманистоннинг энг кучли клубларидан бири «Пюник»ни бошқарган Хорен Оганесян энди «Локомотив»да ишлайди. Унга, ўз вақтида «Бухоро», «Динамо» (Самарқанд), «Андижон» клубларида фаолият олиб борган, узоқ йиллар Москванинг «Локомотив» жамоасида тўп суриб, кейинчалик шу клуб тизимида фаолият олиб борган Ҳаким Фузайлов ёрдам беради.
Тошкентнинг «Локомотив» клуби бу мавсумдан бошлаб ўз логотипини ҳам ўзгартирди. Жамоа рамзида энди яшил ранг устуворлик қилади. Шунингдек, тақдимот маросими вақтида жамоанинг 2012 йилги мавсум учун либослари ҳам намойиш этилди.
Қуйида тақдимот маросимидан олинган фотосуратлар билан танишишингиз мумкин.
«Локомотив»нинг янги логотипи
«Локомотив»нинг янги уй, меҳмон ва захира либослари
«Локомотив»нинг янги бош мураббийи Хорен Оганесян (ўнгда) ва унинг ёрдамчиси Ҳаким Фузайлов
«Локомотив» билан шартнома имзолаган янги футболчилар (чапдан): Максим Казанков (8), Муҳаммад Бинди Мустафо (15), Жора Оганесян (10), Ромик Хачатрян (14), Александр Шадрин (11), Иброҳим Раҳимов (17), Ислом Иномов (3), Ислом Тўхтахўжаев (20)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
