«Севиля»нинг жорий мавсум кўрсатаётган ўйини барчани ҳайратга солмоқда. Дарҳақиқат, «Реал»нинг ишончли ўтказаётган учрашувлари мухлисларни бу сафар Ла Лига бош титули сари ишонтираётган бўлиши мумкин. Бироқ андалусияликлар ҳам анча сифатли одим ташламоқда. Бу эса Испанияда чемпионлик интригаси давом этаётганини билдиради.
Тўғри, «Реал Мадрид» Ла Лигада пешқадамлик қилмоқда, аммо Карло Анчелотти жамоаси биринчи даврада ҳеч қандай таъсирчан ва ялт этиб турувчи учрашув ўтказмади. Принципиал рақиблар «Барселона» ва «Атлетико» жиддий фарқ билан ортда қолаётган бўлсада, «қироллик клуби» муносиб таъқибчисига эга - ҳа, бу - «Севилья».
Агар Хулен Лопетеги шогирдлари бугун «Барселона»ни мағлуб этса, мадридликлар билан орадаги фарқни 3 очкогача қисқартиради. «Қаймоқранглилар» эса коронавирусдан азият чекаётган бир пайтда эртага Билбаода «Атлетик»ка қарши қийин ўйинлардан бирини ўтказишади. Бироқ бу ерда очколарни йўқотиш хавфи жуда ҳам юқори ва агар шундай бўлса, у ҳолда биринчи давра якунида «Севиля» мавсумни турнир пешқадамидан атиги 3 очко фарқ билан якунлайди.
Бугун «Реал Мадрид» мухлислари «Барселона»га муваффақият тилашлари керак. Бу эса камдан-кам учрайдиган ҳолат. Чунки «қироллик клуби»га кўпроқ «Севиля»нинг очко йўқотиши муҳимроқ.
Дарҳақиқат, «Севилья» бу мавсум гранд жамоалар билан чинакам омадли ва шу билан бирга иродали ўйин кўрсатётгани барчага маълум. Лопетеги шогирдлари биргина «Реал»га қарши учрашувда очко йўқотишди холос. Жамоа «Вильярреал» (1:0), «Атлетик» (1:0) ва «Атлетико» (2:1)ни мағлуб этди. Агар улар ушбу ғалабаларга «Барселона» билан баҳс натижасини ҳам қўшса, бу клубни чемпионликка нима учун даъвогар деб айтмас эканмиз?
Андалусияликларни Ла Лигада тасодифий тарзда чемпионликка даъвогар деб атаб бўлмайди. Бу шонли жамоа атиги бир марта 1946 йилда Испания чемпиони бўлган. Аммо яқин тарихда «Севилья» доимий равишда ўз мамлакатининг энг кучли жамоалари қаторида кўриляпти, мунтазам равишда еврокубокларда қатнашиб келмоқда ва 21 асрда олти марта УЕФА кубоги/Европа лигасида ғалаба қозониб тарихга кирди. Ички майдондаги муваффақиятлар эса у қадар кўп эмас. Аммо даҳо Мончи томонидан синчковлик билан йиғилган жамоа йигирма йил давомида бир неча бор учинчи ва тўртинчи ўринларни эгаллади.
«Барселона»га янги бош мураббий этиб тайинланган Хави «Севилья» билан ўйин арафасида рақиб ҳақида сўралганда, қуйидаги фикрларни айтди:
«Севилья» ўтган мавсум чемпион бўлишга яқин келган эди ва ҳозирда Ла Лиганинг ушбу мавсумида ғалаба қозониш учун ажойиб имкониятга эга. Мен «Севилья»нинг ҳозир қанчалик яхши эканини кўриб турибман, улар ўзи қатнашадиган ҳар қандай мусобақада, жумладан, Ла Лигада ҳам ғалаба қозона олади.
Андалусияликлар энди улкан клубга айланди, улар ажойиб таркибга эга, кўп жиҳатдан бошқа жамоалар учун, хусусан, биз учун катта синов бўлади. Қаранг, жамоа қандай қилиб футболчилар билан шартнома имзоламоқда?! Скаутлар қандай ишлайди? мураббийлар штаби бу ишда қандай тузилган? Бу шубҳасиз, энг юқори даражадаги жараён.
«Севиля»га ҳозир янгича менталитет керак. Бу жамоа ҳозирги мавқейига кўп йиллик машаққатли меҳнат орқали эришди, аммо ҳар доим кейинги қадамни қўйиш керак бўлган вақт бор. Унвонлар ҳақида кўп ўйламайдиган клубдан яхши бажарилган иши учун уларни оддий деб ҳисоблаш хато», дейди Хави.
Кўрамиз, бугунги муҳим баҳсда Лопетеги ва унинг жамоаси билдирилган ишончларни оқлармикин?
(онлайн ҳисоб — 0:0, 30-дақиқа)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
