У 91-дақиқада рақибининг юзига уриб, қизил карточка олмаслик учун кийим алмаштириш хонасига югурди. Тасаввур қилган бўлсангиз керак, биз яна Африка кубоги ҳақида гапиряпмиз. Қуйида ушбу мусобақада содир бўлган сўнгги қизиқарли воқеани эътиборингизга ҳавола этамиз.
Африка кубоги зерикишингизга йўл қўймайди.
Гуруҳ босқичининг 2-туридан ўрин олган Габон ва Гана ўртасидаги ўйин кўпчилик мухлисларнинг эътиборини тортган бўлса ажаб эмас. Бир қарашда оғир-вазмин кўринган ва бутун ўйин давомида паст темпда ҳаракат қилган футболчилар баҳс якунланиши билан тезда тартибсизлик келтириб чиқаришди.
88-дақиқада габонлик яримҳимоячи Жим Аллевина ҳисобни тенглаштиргандан сўнг (1:1) бу рақибни анча ранжитди. Финал ҳуштаги янграганидан кейин майдонда кутилмаганда оммавий муштлашув бошланиб кетди. Ганалик ҳужумчи Бенжамин Тетте Аарон Бупендсанинг юзига кучли зарба йўллади.
Туркиянинг «Ени Малатьяспор» клубида ҳаракат қилувчи Тетте 91-дақиқада майдонга тушди ва қизил карточка билан сийланди. Унинг лигадаги навбатдаги учрашувда иштирок эта олмаслиги кечроқ хаёлига келиб қолди шекилли, ўз ҳаракатлари натижасини англаб, тезда стадиондан югуриб чиқиб кетди.
Бу эса мухлисларни ҳайратга солган бўлса ажаб эмас. Бироқ жазоирлик ҳакам Лалу Бенбраам ВАР билан маслаҳатлашиб, барибир футболчига қизил кўрсатишга қарор қилди. Ҳакам айбдорнинг майдонда йўқлигини билгач, бундан қаттиқ ғазабланди – у «Арсенал» юлдузи Томас Партидан шеригини майдонга қайтаришини сўради.
Аммо рефери қоидабузарнинг майдонга қайтишини кутиб ўтирмади ва қизиғи, бўм-бўш ҳавога қизил карточка кўрсатишга қарор қилди. Албатта бу кулгили ҳолат.
Эҳтимол, Тетте майдондан чиқиб кетса, ҳакам уни пайқамай қолади деб ўйлаганми?! Нима бўлган тақдирда ҳам бу иш содир бўлди. Унинг номи протоколда ўз аксини топган, шу боис ҳужумчи Комор ороллари билан гуруҳнинг муҳим ўйинида майдонга туша олмайди.
Гана мусобақа тугашига бир тур қолганида 1-ўриндаги Марокашдан уч очко ортда қолмоқда. Жамоа ҳозирча бир очко билан гуруҳда 3-ўринни эгаллаб турибди. Марокашда 6, Габонда эса 4 очко мавжуд. Габонликлар Обамеянг бошлиқ ковид билан касалланган футболчилар сабабли фаворитлар қаторида тилга олинмаяпти.
Гуруҳдан фақат иккита жамоа тўридан-тўғри плей-оффга йўл олади, шу сабабли Гананинг ҳам кейинги босқичдан қуруқ қолиб кетиш эҳтимоли йўқ эмас. Жамоа Комор ороллари билан имкон қадар ишончли натижа қайд этишга ҳаракат қилиши зарур. Сўнгги баҳс «қаҳрамони» Тетте эса бу учрашувда иштирок эта олмайди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
