“Манчестер Юнайтед” кийиниш хонасида бутун мавсум носоғлом муҳит ҳукмронлик қилди, аммо сўнгги воқеалар вазият кутилганидан ҳам ёмонроқ эканлигини кўрсатмоқда. Бош мураббий Ральф Рангник жамоа ичидаги ёмон муҳит туфайли “Манчестер Юнайтед” Чемпионлар лигасига йўлланмасини қўлдан чиқаришдан хавотирда эканлигини, шунингдек, баъзи футболчилар клубини тарк этмоқчилиги ҳақида маълумот берди. Қолаверса, Рангник қўл остида кам ўйин амалиётига эга бўлган футболчилар мутахассиснинг принципларидан норози.
Вазиятга Криштиану Роналду ҳам “олов қўйиб” юборди ва у ОАВ орқали жамоадошларини танқид қилди. Португалиялик машғулотдан сўнг, ёлғиз ўзи қолиши ва қолганлардан кўра кўпроқ шуғулланишини айтган. Бироқ, КриРо жамоанинг қолган аъзолари шундай иш тутмаётганидан норози. Клуб вакиллари “Манчестер Юнайтед” қишки трансфер ойнасида фаол бўлмаслигини айтишди. Ральф Рангник таркибни мустаҳкамлаш ортиқча пул сарф қилмайди. Бироқ, муносиб таклифлар бўлган тақдирда, “қизил иблислар” бир қанча сотувларни амалга оширишии мумкин. Чунки, клуб ёзда таркибни жиддий равишда кучайтиришни режалаштирмоқда. Шу сабаб, “Stadion.uz” нашри қишки трансфер ойнасида МЮни кимлар тарк этиши мумкинлиги ҳақида бироз маълумот беришга қарор қилди.
Поль Погба
Трансфер нархи: 55 млн евро
Қаерга бориш мумкин: ПСЖ, “Реал Мадрид”
Франциялик яримҳимоячининг шартномаси шу ёзда якунига етади. Погба кейинги мавсумда ҳам “Манчестер Юнайтед”да қолиши номаълум. Сўнги трансфер ойнасида Поль деярли ПСЖга ўтган эди, аммо Мессининг хариди бу воқеага нуқта қўди. Сабаби, Париж клуби учун Погба билан шартнома имзолаш молиявий жиҳатдан имконсиз эди. “Манчестер Юнайтед” вазиятдан келиб чиқиб, футболчини қўйиб юбориш вақти келди деб ҳисобламоқда. Бироқ, “қизил иблислар” уни яқин кунларда сотмаса, француз олти ой ичида жамоадан бепул кетади. Шу сабаб, манкунианликлар қишда Погбани сотишга уриниб кўрмоқчи. Бу сумма тахминан 55 миллион евро ташкил қилиши мумкин. Шунингдек, франциялик футболчининг ўзи ҳам Манчестерда бахтсиз эканини, Туринда ўйнаш қулайроқ бўлганини бир неча бор таъкидлаган.
Антони Марсьял
Трансфер нархи: 32 млн евро
Қаерга бориш мумкин: “Барселона”, “Севилья”, “Ньюкасл”, “Атлетико”, “Ювентус”
Марсьялнинг Рангник билан муносабатлари ёмон эканлигини “Астон Вилла” – “Манчестер Юнайтед” ўйини олдидан содир бўлган воқеалар кўрсатиб турибди. Немис мутахассиси Марсьялнинг нега таркибда йўқлиги ҳақидаги саволга: “У таркибда бўлишни истамади”, - деб жавоб берди. Футболчи эса “Мен ҳеч қачон “Манчестер Юнайтед”да ўйнашни рад этмаганман”, - дея мураббийнинг сўзларига жавоб қайтарди. Марсьял жорий мавсум Премьер-лигада 20 та ўйиндан атиги 7 тасида майдонга тушди. На собиқ, на ҳозирги мураббийлар Антонини асосий марказий ҳужумчи сифатида кўришмайди. “Қизил иблислар” 26 ёшли форвардни сотишга қарши эмас. Қолаверса, футболчига даъвогарлар ҳам етарлича. Харидорларнинг барчаси французни ижарага олмоқчи. Аммо, ушбу жамоалар орасида фақатгина “Барса” сотиб олиш шарти билан 40 миллион евролик таклиф жўнатган.
Жесси Лингард
Трансфер нархи: 20 млн евро
Қаерга бориш мумкин: “Тоттенхэм”, “Ньюкасл”
“Манчестер Юнайтед” ўтган ёзда Лингардни сотмоқчи эди, аммо клуб инглиз футболчиси учун фойдали таклиф олмади. Ҳужумкор яримҳимоячи манкунианликлар уни асосий таркибда китишмагани сабаб, фаолиятининг катта қисмини ижарада ўтказди. Жессининг ўзи ҳам бундан чарчаганга ўхшайди. 2021 йилда у МЮнинг янги таклифини рад этди ва клубини ўзгартириш ниятида эканлигини маълум қилди. “Тоттенхэм” Лингардни ёзда текинга қўлга киритишни режалаштирмоқда, аммо “Ньюкасл” ҳам Жессини қўлдан чиқармоқчи эмас ва қишдаёқ “қизил иблислар”га фойдали таклиф юбормоқчи. Чунки, “қарғалар” чемпионшипга тушиб кетмаслик учун жамоани кучайтиришга ҳаракат қилмоқда. Футболчининг нархи унчалик катта эмас, шунинг учун унга Англиядан бошқа харидорлар ҳам бўлиши мумкин.
Маркус Рэшфорд
Трансфер нархи: 85 млн евро
Қаерга бориш мумкин: ПСЖ
Мураббийлар штаби охирги пайтларда Рэшфорднинг ёмон спорт формасидан хавотирда, аммо “Манчестер Юнайтед” раҳбарияти футболчи билан хайрлашишни исташмаяпти. Манкунианликлар Маркус операциядан тузалиб кетгунча кутишга тайёр. Жорий мавсумда ҳужумчи 11 учрашувда атиги 2 та гол урган. Футболчининг шартномаси 2023 йилнинг ёзига қадар амал қилади. Кўринишидан, футболчи ҳам, клуб ҳам ҳамкорликни якунламоқчи эмас. Аммо, бирданига Рэшфорд ПСЖнинг қисқа рўйхатидан жой олгани маълум бўлди. Гап шундаки, Почеттино Маркуснинг ўйинига қойил қолади. Агар, Мбаппе “Реал”га кетса, парижликлар Рэшфордни қўлга киритишга ҳаракат қилишмоқчи.
Эдинсон Кавани
Трансфер нархи: 4 млн евро
Қаерга бориш мумкин: “Барселона”, “Севилья”, “Ювентус”, “Коринтианс”
Эдинсон Кавани, Мейсон Гринвуд ва Гарри Магуайр “Манчестер Юнайтед” раҳбарияти Роналдуга кўпроқ эътибор бераётганидан норози. 34 ёшли уругвайлик ҳужумчи кўпроқ ўйин амалиётига эга бўлмоқчи. Жорий мавсумда у Премьер-лигада 9та ўйинда 2та гол урди. Ёши катта бўлишига қарамай, Кавани кўплаб клублар қизиқиш билдирган. Декабрь ойида “Барселона” ҳужумчи билан 1,5 йиллик шартнома борасида келишиб олгани, аммо “қизил иблислар” билан трансфер борасида тўлиқ келишмагани ҳақида хабар берилган эди. Шунингдек, уругвайлик футболчига “Барса” таклиф қилганидан кўра кўпроқ маош тўлашга тайёр бўлган “Коринтианс” ҳам курашга қўшилди. Бироқ, Эдисон ҳали Европада ўйнаш ниятида эканлигини билдирган.
Жамшиджон Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
