Ушбу ҳафтада футбол ишқибозлари умуман зерикишмади, десак муболаға ишлатмаган бўламиз. Негаки бир-биридан муросасиз ва қизиқарли баҳслар албатта мухлислар учун доим қувонч бағишлайди. Биз эса ўтиб бораётган 7 кун ичида қайд этилган супер камбэкларни тақдим этмоқчимиз.
“Бетис” 2-1 “Севилья”
Дербилар одатда жуда ҳам қизиқарли бўлади. Андалусия дербиси ҳам бу урфни бузиб қўймаслиги шубҳасиз эди. Тўғри, ўйиндаги ҳисоб ёки голларнинг урилган вақтига қараб бу камбэкни бошқалари билан солиштириш ғалати. Аммо ушбу баҳсни қоланларидан зерикарли деб бўлмайди. Тенг курашлар остида ўтган ўйин якунда мезбонларнинг ғалабаси билан якунланган. Ўйин сариқ карточкалар билан бошланди. Илк дақиқадаёқ Фекир огоҳлантирилди. 35-дақиқага келиб, Оливер Торреснинг узатмасини Папу Гомес дарвозага киритди. Орадан кўп вақт ўтмай 39- дақиқада Набил Фекир ҳисобни тенглаштирди бу камбэкнинг бошланиши эди. Иккинчи таймда “Бетис” Канальеснинг голи эвазига ҳисобда олдинга ўтиб олди. Уша гол киритилганда учрашувнинг 73-дақиқаси ўтиб бораётган эди. “Севилья” қанча уринмасин бошқа гол кирита олмади. Шу тариқа “Бетис” мини-камбэкни амалга оширди.
“Интер” 3-2 “Эмполи”
Ушбу учрашувда “нерадзуррилар” қийинчиликсиз ғалаба қозониши кутилган эди. Старт ҳам шуни кўрсатди. Алексис Санчес 5-дақиқада Хоакин Корреянинг ўрнига майднга тушди ва 13-дақиқада рақиб дарвозасини ишғол қилди. Тайм шу тариқа “Интер”нинг ишончли ўйини билан якунланди. Учрашувнинг 61-дақиқасига келиб “Эмполи” ҳисобни тенглаштирди ва орадан 15 дақиқа ўтиб улар ҳисобда олдинга ҳам ўтиб олишди. Аммо учрашувга ҳакам томонидан қўшиб берилган дақиқаларда Андреа Бастони супер голи билан камбэк сари жамоани олдинга бошлади. Жамоалар ушбу ҳисоб билан қўшимча таймларга йўл олишди.
Учрашувнинг 94 дақиқасида Симеоне Иньзаги Лаутаро Мартинеснинг ўрнига Стефано Сенсини майдонга туширди ва айнай Сенси 104 дақиқада миланликларнинг ғалаба тўпини киритди.
“Эльче” 1-2 “Реал Мадрид”
Бу ўйинга тўхталиш олдидан шуни айтиб ўтиш керакки, ўйиннинг асосий кулминацияси қўшимча таймларда содир бўлди. Анчелотти 79-дақиқада Искони 90-дақиқада Азарни майдонга туширди. Биринчи экстра тайм якуни арафасида Марсело 1 га 1 вазиятга чиқиб бораётган рақибига нисбатан фол ишлатиб қизил карточка олди. Яқин масофадан белгиланган жарима зарбасини Гонсало Верду амалга оширди тўп жонли деворга ткгиб яна Вердуга қайтиб келди. Бу сафар такрорий зарбадан мезбон футболчиси унумли фойдаланди. Бу ёғига “Эльче”ни ғалабадан 15 дақиқа ажратиб турганди. Унинг устига мадридликлар бир киши кам бўлиб қолишганди. 108 дақиқада Иско орадаги мувозанатни тиклаган бўлса 115 дақиқада Эден Азар “галактикос”нинг ғалаба тўпини киритди.
“Лестер” 2-3 “Тоттенҳэм”
Умуман олганда бу супер камбэк биринчи ўринга ҳам лойиқ. Аммо кеча Симеоне бошчилигидаги жамоа бутунлай даҳшатли камбэк қайд этиб ташлади.
Ўйин “тулкилар” устунлиги билан бошлади ва 24 дақиқада бу ҳисобда ҳам акс этди. Дака мезбонларнинг биринчи голига муаллифлик қилди. Тайм якуни арафасида “шпорлар” юлдузи Ҳарри Кейн ҳисобни тенлаштирди. Шу тариқа биринчи бўлиб ниҳоясига етди.
Ўйининг 76 дақиқасида Жеймс Меддисон “Лестер”ни ҳисобда олдинга олиб чиқди. Мағлубиятдан қутилиб қолиш учун Конте ҳимоячи Регульон ўрнига Стивен Бергвейнни майдонга туширди. Голланднинг вақти 90-дақиқадан сўнг бошланди десак бўлади. Аввалига 90+4дақиқада Стивен сариқ карточка олди кейин эса 90+5да ҳисобни тенглаштирди. Ўйин шу ҳисобда якунланиши кутилаётган бир пайтда ҳакам жамоаларга имкон беришни маъқул кўрди ва “Лестер” бундан жазоланди гол муаллифи яна Бергвейн.
“Атлетико” 3-2 “Валенсия”
Бу камбэкнинг “Тоттенҳэм”нинкидан устун томони шундаки, “шпордар” ўйин давомида 1-1 ҳисобини ҳам қайд этди. “Лестер” иккинчи голни киритганда 2-1 ҳисоби таблода порлаётган эди.
“Атлетико” эса 2-0 дан қутилиб қолди. Биринчи таймда “кўршапалаклар” Юнус Муса ва Уго Дуронинг голи эвазига 0-2 ҳисобини қайд эта олишди. 57 дақиқада Диего Симеоне майдонга Матеус Куньяни туширди ва ўйин якунида у қахрамонга айланди. Аввалига 64 дақиқада ўша бразилиялик ҳисобни қисқартирди ва “Атлетико”ни жонлантирди. Голдан сўнг меҳмонлар вақт чўзишга тушииб қолишди. Ҳатто дарвозбон Доменек ҳам бунинг ортидпн сариқ карточка олишга улгурди. Ҳакам томонидан учрашувга қўшиб берилган дақиқадарда мадридликлар камбэк ҳаракатини бошлашди. Аввалига 90+1да Анхел Корреа ҳисобни тенглаштирган бўлса орадан икки дақиқа ўтиб, Куньянинг ажойиб узатмаси гол билан якунланди. Ғалаба тўпи муаллифи Мигель Эрмосо бўлди.
Йилнинг илк ойидаёқ биз шундай ажойиб камбэклар гувоҳи бўляпмиз. Футбол шу кетишда давом этса унинг мухлислари кундан кунга ортиб бораверса ажаб эмас.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Динамо
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
