«Бари»нинг собиқ футболчиси пул эвазига ўз дарвозасига гол урганини тан олди
«Аталанта» ҳимоячиси Андреа Мазиелло ўтган мавсум «Бари» сафида тўп сура туриб, «Лечче»га қарши ўз майдонида бўлиб ўтган 37-тур учрашувида 180 минг евро эвазига ўз дарвозасига гол урганини тан олди. 26 ёшли футболчи буни бугун, 4 апрель, чоршанба куни бўлиб уч соатлик тергов вақтида маълум қилган.
Айни вақтда «В» Серияда тўп сураётган «Бари»нинг келишилган ўйинларга аралашиб қолгани гумон қилиниб, кенг миқёсли суриштирув ишлари олиб борилмоқда.
Мазиелло уч йил давомида «Бари» шарафини ҳимоя қилган. Очилган жионий иш бўйича 20 киши тергов қилинаётган бўлиб, улардан 9 нафари «Бари»нинг собиқ ўйинчилари ва, ҳуқуқни муҳофаза қилиш органлари томонидан ўтган мавсумда келишилган ўйинларни ташкил этишда гумон қилинмоқда.
Тергов доирасида, шунингдек, «Бари»нинг «Лечче»га қарши ўйини ҳам кўриб чиқилмоқда. Дербидаги 2:0 ҳисобидаги ғалаба «Лечче»га «А» Сериядаги ўринни сақлаб қолиш имконини берганди. «Бари» эса муддатидан аввал «А» Серия билан амалда хайрлашиб бўлганди.
«Бари» – «Лечче» учрашувида киритилган шубҳали голни бу ҳаволага ўтиб кўриш мумкин.
Манба: www.championat.com
Киритилди: 23:38, 04.04.2012. Ўқилди: 6243 марта. Фикрлар: 4 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар