Италия «А» Серияси 31-тур баҳслари деярли якунига етиб бўлди. Турнинг тўққизинчи учрашувида «Ювентус» сафарда «Палермо»ни мағлубиятга учратди.
Голсиз биринчи бўлимдан сўнг «Ювентус» босимни оширди ҳамда Леонардо Бонуччи ва Фабио Квальярелланинг икки голи эвазига Палермодан ғалаба билан қайтишга муваффақ бўлди. Бу ғалаба яна шуниси билан ҳам эътиборлики, «Милан» бугун ўз майдонида «Фиорентина»га ютқазиб қўйганидан сўнг, Антонио Конте шогирдлари «А» Сериядаги пешқадамликни яна ўз қўлларига олишди.
31-турдан сўнг «Ювентус» ҳисобида 65 очко бўлса, «Милан» ундан бир очко кам жамғарган.
Турни «Лацио» ва «Наполи» ўртасидаги баҳс якунлаб беради. Агар унда неаполликлар ғалаба қозонишса, очколари сони бўйича «Лацио»га етиб олишади.
Италия «А» Серияси, 31-тур
7 апрель, шанба
ПАЛЕРМО – ЮВЕНТУС 0:2 (0:0)
ГОЛЛАР: Бонуччи (56), Квальярелла (69).
ПАЛЕРМО: Вивиано, Э. Муньос, Миланович, Лабрин, Мильяччио (Бачинович, 73), Делла Рокка, Пизано, Э. Баррето, Аскуа (Будан, 62), Иличич (Васкес, 83), Микколи.
ЮВЕНТУС: Буффон, Бардзальи, Бонуччи, Кьеллини, Видаль (Пепе, 82), Маркизио, М. Касерес, Пирло, Эстигаррибиа, Куальярелла (Дель Пьеро, 78), Вучинич (Матри, 67).
ОГОҲЛАНТИРИШ: Маркизио (77).
Матнда хатолик топсангиз, ўша хатони белгилаб, бизга жўнатинг (Ctrl + Enter).