Испания Ла-Лигасининг 32-туридан ўрин олган “Сарагоса” ва “Барселона” жамоалари ўртасидаги учрашув каталонияликларнинг навбатдаги ғалабаси билан якунланди.
Аввалига мезбонлар ҳисобда олдинга чиқиб олишганди. Аранда ўзи ҳам қандай киритганини ҳис қила олмай қолган гол натижасида олдинга чиқиб олди. Бу вазиятда ҳужумчининг зарбаси дарвозабондан қайтиб йиқилаётган футболчининг бошига тегиб дарвоза кириб кетди. Бундан олдинроқ мезбонлар пенальти тепиш имкониятига эга бўлган, бироқ бу имкониятдан улар фойдалана олишмаганди.
Мезбонларнинг голидан кейин “Барселона” уйғонди ва кетма-кет голлар киритишни бошлади. Ла-Лига тўпурарлар баҳсида Роналду билан жиддий кураш олиб бораётган Лионель Месси навбатдаги дублини нишонлади ва Испания чемпионатида, бу мавсумда урган голлари сонини 38тага етказиб олди.
Ушбу ғалабадан кейин “Барселона” ҳисобидаги очколар сони 75тага етди ва улар “Реал”ни таъқиб қилишда давом этишмоқда.
Турнинг энг йирик ҳисоби, ҳозирча, Мадрид вилоятида қайд этилди. Ўз майдонида «Осасуна»ни қабул қилган «Райо Вальекано» рақиби дарвозасига жавобсиз олтита гол уришга муваффақ бўлди. «Эспаньол» ўз майдонида «Реал Сосьедад» билан 2:2 ҳисобида дуранг ўйнаган бўлса, «Хетафе» уйига сафар қилган «Спортинг Хихон» 0:2 ҳисобида имкониятни бой берди.
Турнинг қолган учрашувлари 8 ва 9 апрель кунлари бўлиб ўтади. Жумладан, турнинг макарзий учрашуви – «Реал» (Мадрид) – «Валенсия» баҳси 8 апрель куни Тошкент вақти билан 00:30да бошланади.
Испания Ла Лигаси, 32-тур
7 апрель, шанба
РАЙО ВАЛЬЕКАНО – ОСАСУНА 6:0 (4:0)
ГОЛЛАР: Мовилья (5), Мичу (17, 28), Коста (36), Арментерос (57), Тито (79).
ХЕТАФЕ – СПОРТИНГ ХИХОН 2:0 (1:0)
ГОЛЛАР: Мику (22), Д. Кастро (47).
ЭСПАНЬОЛ – РЕАЛ СОСЬЕДАД 2:2 (1:2)
ГОЛЛАР: Демидов (45-автогол), Вайсс (47) — Вела (12, 15).
ЧЕТЛАТИШ: Клаудио Браво (90, «Реал Сосьедад», дарвозабон).
САРАГОСА – БАРСЕЛОНА 1:4 (1:2)
ГОЛЛАР: Аранда (30) — Пуйоль (36), Месси (39, 86-пенальти), Педро (90).
САРАГОСА: Р. Хименес, П. Альварес, да Сильва, Паредес, Минеро, Пинтер, Сукулини, Лафита, Рубен Микаэл (Хуан Карлос, 83), Обрадович (Ландзаро, 66), Аранда (Поштига, 66).
БАРСЕЛОНА: Вальдес, Дани Алвес (Монтойя, 68), Маскерано, Пуйоль, Адриано, Фабрегас (Хави, 90), Алькантара, С. Кейта (Бускетс, 56), Санчес, Месси, Педро.
ЧЕТЛАТИШ: Минеро (45).
БЕТИС – ВИЛЬЯРРЕАЛ
8 апрель, якшанба
Леванте – Атлетико
Мальорка – Гранада
Атлетик – Севилья
Реал Мадрид – Валенсия
9 апрель, душанба
Малага – Расинг
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
