Англия премьер лигасининг навбатдаги туридан ўрин олган навбатдаги учрашув ҳам ўз ниҳоясига етди.
Пешқадам "Манчестер Юнайтед" қийинчиликсиз "КПР" қаршилигини синдира олди. "Қизил Иблислар" учрашув бошидан ташаббусни ўз қўлларига олдилар.
Биринчи гол киритилган вазиятда ҳакамлар бироз хатога йўл қўйишди. Ўйиндан ташқари ҳолатда қолиб кетгандек кўринган Эшли Янг жарима майдонига кириб-кирмасдан йиқилади. Ҳакам эса нуқтани кўрсатгани етмагандек, "КПР" ҳимоячисини майдондан четлатади. Тўпурарлар пойгасида Ван Персига етиб олишни мақсад қилган Уэйн Руни пенальтини аниқ амалга ошириб, "МЮ"ни одлдинга олиб чиқади.
Шундоқ ҳам ҳеч нима қила олмаётган мехмонлар 10 киши бўлиб қолгач, деярли қаршилик кўрсата олмади. Уларда ҳам бир икки имкониятлар бўлди. Аммо "МЮ" ҳимоячилари шу куни деярли хатога йўл қўйишмади.
Иккинчи бўлим ўрталарида Пол Скоулз мавсумдаги ўзининг учинчи голини киритди ва "МЮ"нинг 2:0 ҳисобидаги ғалабасини таъминлади.
МЮ - КПР 2:0
Голлар: Руни, 15 (пен.), Скоулз, 68
МЮ: Де Хеа, Рафаэль (Джонс, 74), Фердинанд, Эванс, Эвра, Валенсия, Скоулз (Клеверли. 74), Каррик, Янг (Гиггз, 61), Руни, Уэлбек
КПР: Кенни, Онуоха, Ферднанд, Хилл, Тайво, Диаките (Смит, 71), Дерри, Макки, Таарабт (Райт-Филлипс, 71), Бузак, Ботройд (Кэмпбелл, 81)
Огоҳлантиришлар: Рафаэль
Четлатиш: Дерри, 14
Матнда хатолик топсангиз, ўша хатони белгилаб, бизга жўнатинг (Ctrl + Enter).