«Челси» бош мураббийи вазифасини бажарувчи Роберто Ди Маттеонинг «Фулҳэм»га қарши Англия Премьер-лигаси 33-тур учрашувидан сўнг ўз фикрлари билан ўртоқлашди. Бу ҳақда «Челси» расмий сайти хабар бермоқда.
Эслатиб ўтамиз, учрашув 1:1 ҳисобидаги дуранг натижа билан якунига етди. 45-дақиқада Лэмпард пенальтидан ҳисобни очган бўлса, 82-дақиқада «Фулҳэм»нинг америкалик яримҳимоячиси Клинт Дэмпси ҳисобни тенглаштирди.
«Сўнгги бир неча баҳсларда ўйинимиз ҳақиқатан ҳам жуда яхши чиқди. Айтиш мумкинки, улар намунавий ўйинлар бўлди. Бугун эса ҳаммаси бошқачароқ бўлди. Умуман олганда, агар иккинчи голни ура олсангиз, рақибда мағлубиятдан қутулиб қолиш имкониятлари, шунингдек, ижобий натижага эришиш умиди ҳам камаяди. 1:0 эса хавфли ҳисоб. Шундай бўлиб чиқди ҳам, «Фулҳэм» ҳисобни тенглаштирди», - деди италиялик мутахассис.
«Иккинчи бўлимда биз ҳеч гол ура олмадик. Балки, бунинг учун янада қаттиқро ҳаракат қилишимиз, рақиб дарвозаси олдида янада кўпроқ вазиятларни юзага келтиришимиз керак эди. Энг алам қиладигани – биз ҳисобда олдинда бораётган ва учрашувнинг аксарият вақти давомида ташаббусни ўзимизда сақлаб турган эдик. Ва ўйин охирида гол ўтказиб юбордик... Бизни қийин ўйин кутиб турганини билгандик, бироқ, барибир, ғалабадан умид қилгандик», - деди «Челси» устози.
«Пенальти? У ерда контакт бўлганди. Рефери яхши вазиятда турган эди ва Келли ўйин қоидасини бузганини кўрди. Яна қандай саволлар бўлиши мумкин? Ҳаммаси борича бўлди. Яна бир вазиятда Лэмпардга қўполлик қилишганди. Лекин ўзи шунақа бўлади: бир сафар сизга пенальти тепиш имконини беришади, кейинги сафар – йўқ», - деди Ди Маттео.
«Чемпионлар лигаси йўлланмаси учун кураш ҳақида тўхталадиган бўлсам, менимча, у чемпионатнинг сўнгги ўйинига қадар давом этса керак. Премьер-лига – таркибида кучли клублар кўп бўлган мураккаб мусобақа. Таркибимизда жуда яхши ўйинчилар кўп ва бизда тажрибали жамоа бор. Менимча, биз ўз ўйинимизни янада кучайтира оламиз», - дея қўшимча қилди «Челси» бош мураббийи вазифасини бажарувчи Роберто Ди Маттео.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
