Месси «ПСЖ»га ўтганидан сўнг унинг ўйинида пасайиш кўзга ташланди. Буни бир қатор журналист ва мутахассислар ҳам эътироф этишмоқда. Жумладан, «Арсенал»нинг собиқ футболчиси, Франция терма жамоаси билан жаҳон чемпиони бўлган Эммануэль Пети ҳам энди чаққон ва ғайратли Лео қайтмаслигини тан олмоқда.
«Мен Мессини «ПСЖ» либосида кўрсам, бундан хафа бўляпман. Биз ҳаммамиз унинг муваффақиятга эришишини истаймиз, бироқ буни «Барселона»да амалга оширилишига барча ўрганиб қолган. Мен Месси ва Мбаппени солиштирмоқчи эмасман. Аммо сўнгги бир неча ой ичида биз бир юлдузнинг сўниб, иккинчисининг кўтарилганига гувоҳ бўлдик. Бу ердаги сўнган юлдуз «Барселона»да порлаган Мессининг сояси холос», — дейди Пети.
Шунингдек, Петидан бошқа бир қатор экспертлар ҳам Лео борасида ижобий фикрда эмаслар. Қуйида бу ҳақида қисқача тўхталамиз.
Тьерри Анри, «Арсенал» ва «Барселона»нинг собиқ ҳужумчиси, Франция жамоаси таркибида жаҳон чемпиони:
«Месси тўп билан жуда кам вақтини ўтказмоқда. Ҳозирча «ПСЖ» тўлиқ Мбаппега қурилган жамоа. Қолган футболчилар ҳам айнан унга тез-тез тўп узатишга ҳаракат қилишади. Бир нуқтада фақат битта лидер пайдо бўлиши керак. «ПСЖ»да юлдуз футболчилар жуда кўп».
Златан Ибраҳимович, «Милан» ҳужумчиси:
«Бу Месси учун яхши чақирув. У «Барселона»даги узоқ йиллик фаолиятидан сўнг янги синовларни ҳам бошидан ўтказиши керак эди. «ПСЖ» ғалаба қозонишни истайдиган ва ўсиб бораётган юқори амбицияли клуб. Ҳозирги «ПСЖ» менинг давримдагидан яхшироқ жамоа эмас. Энди у каби уюшқоқлик қайтиб келмайди».
Жибриль Сиссе, «Ливерпуль» ва Франция терма жамоасининг собиқ ҳужумчиси:
«Мен ҳозирги Мессининг ўйинларидан умуман ҳайратланмайман. Буни табиий қабул қилиш керак. Менимча, айни дам ҳатто, Бен Арфа ҳам Мессидан яхшироқ ўйнайди. Мен унинг ўйинини кузатдим. Яна бир бор айтаман - биз билган Лео энди қайтиб келмайди».
Рафаэл ван дер Ваарт, «Аякс», «Реал Мадрид», «Тоттенхэм» ва Голландия терма жамоасининг собиқ футболчиси:
«Мессининг ўйинлари менинг ҳафсаламни пир қилади. Бу ирода кучи билан боғлиқ масала. У Парижда сидқидилдан ўйнашни хоҳламаяпти. Мессидан мухлислар жуда кўп нарсаларни кутишганди. Агар у гол ура олмаса ёки голли узатма бермаса, жуда ёмон ўйин ўтказди деб баҳоланмоқда. Ҳозирги картинада Неймар ва Мбаппе Мессидан яхшироқ кўринади».
Сеск Фабрегас, «Монако» ярим ҳимоячиси ва Мессининг «Барселона»даги собиқ жамоадоши:
«Месси, албатта, ўзига лойиқ бўлган ўйин жиҳатидан анча кўп танқид қилинмоқда. «Реал»га қарши ўйиндан сўнг уни танқид қилганларнинг фикрларини ўқидим. Ҳа, у майдонда асосий юлдуз бўлмасада, яхши ўйин кўрсатди. У Мбаппени биринчи бўлимда майдонда бошқа ҳеч бир футболчи қила олмаган пас билан таъминлаб, дарвозабон билан яккама-якка ҳолатга олиб чиқди. Шунингдек, у Неймарга эҳтимолий ассистентлик ҳам қилди. Ҳа, у пенальтини амалга ошира олмади, лекин амалга оширилмаган пенальти учун уни айбдор қилиш шунчаки кулгили. Футбол бу билан чекланиб қолмайди. Қолаверса, Куртуа кўплаб фантастик сейвларни ҳам амалга оширди».
Андрей Аршавин, «Зенит», «Арсенал» ва Россия терма жамоасининг собиқ футболчиси:
«Месси эффекти жамоага деярли фойда бермаяпти. Унинг «ПСЖ» ўйинига ҳалигача мослашиб кета олмагани яхши эмас. Почеттино бу борада анча муаммога дуч келмоқда. Клуб доимо 4-3-3 схемасида ҳужумда ёрқин ўйинчилар билан ҳаракатланди, ҳимояга фақат Ди Мария ёрдам бера олди холос. Энди эса бунга Месси қўшилди. Сўнгги йилларда «Барселона»да у марказга яқинроқ бўлган иккинчи ҳужумчи ортида ўйнаган эди. Энди у Париж клубида тўлиқ қанотда ўйнаши керак.
Бу жуда қийин бўлади. Месси энди бегона ўйинчига айланди. У вақт бўйича кўп тўпга эгалик қилади, «ПСЖ» эса ўз услубида кўпроқ тезликка эътибор қаратган. Месси тўп билан ўйнашни яхши кўради. Менимча, ҳозирча мураббий кўпроқ қийинчиликларга дуч келмоқда. Лекин бирор нарса қилиш керак, сиз шундай футболчини захирада ушлаб туролмайсиз. У ўз жойини топиши, тезроқ мослашиши керак».
Николя Анелька, «Реал», «Челси» ва Франция терма жамоасининг собиқ футболчиси:
Месси бутун фаолиятини «Барселона»да ўтказди, унга бошқа клубга мослашиш осон эмас, чунки бу ерда унинг учун ҳамма нарса янги. Менимча, у «Барселона»ни тарк этишни хоҳламаганди, балки бу мажбурликдан содир бўлди. Энди эса мослашиш осон бўлмайди».
Луис Суарес, «Атлетико Мадрид» ҳужумчиси ва Мессининг «Барселона»даги дўсти:
Мен у билан ҳар куни гаплашаман. Бироқ ҳеч қачон ундан келажаги ҳақида сўрамаганман. Чунки биз профессионал футболчимилармиз ва бундай дақиқаларда қандай ҳаракат қилишни яхши биламиз. Месси менга у ер анча совуқлиги ва қор остида ўйнаб жуда қийналганини айтди. У ердаги совуққа кўникиш ҳам керак. Бусиз илож йўқ».
Карим Бензема, «Реал Мадрид» ва Франция терма жамоаси ҳужумчиси:
«Мессидек футболчини танқид қила олмайман. Агар Ким бундай қилса футболда ҳеч нарсани тушунмайди».
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
