Муборак шаҳрида 14 апрель кунидан старт олган Баҳром Вафоев хотира турнири бугун ўз ниҳоясига етди. Мазкур мусобақада ғолибликни қўлга киритишни ният қилган Отажон Авезов бошчилигидаги «Машъал» футбол мактабимизнинг 1999 йилда туғилган тарбияланувчлари якунда ўз мақсадларига эришишди. Турнирнинг ҳал қилувчи финал беллашувида Қаршининг «Насаф» клуби тарбияланувчиларига қарши баҳс олиб борган ёш «машъалчилар» ўйинда 2:2 ҳисобини қайд этишди. Натижада учрашувдан сўнг бош ҳакам Икрем Репатов барча футболчиларни пенальтилар сериясига таклиф этди. Лотереялар баҳсида эса омад мезбонларга кулиб боқди ва бунда «Машъал-99» 5:3 ҳисобида ғалаба қозонди.
Учинчи ўрин учун кечган беллашувда эса «Бунёдкор» ва Бухоронинг «Шофиркон» жамоаси ўзаро беллашиб, тошкентликлар 5:1 ҳисобида муваффақият қозонишди.
Финал баҳси якунига етганидан сўнг одатдагидек турнирнинг тантанали ёпилиш маросими ўтказилди. Бунда «Машъал» футбол клуби раҳбарияти, шунингдек асосий таркиб футболчиларимизнинг ҳам иштирок этгани ёш ўйинчиларни жуда тўлқинлантириб юборди. Совриндорларни тақдирлаш маросимидан олдин «Машъал» футбол клуби бош директор ўринбосари Абдужалил Аралорв ҳамда Баҳром Вафоевнинг укаси Комил Ягмиров сўзга чиқиб, барча жамоаларни хотира турнирида иштирок этишгани билан табриклади. Шундан сўнг навбат ғолиб ва совриндорларга эсдалик совғаларни топширишга берилди. Шундай қилиб «Бунёдкор»га бронза медаллар, «Насаф»га кумуш медаллар, «Машъал»га эса олтин медаллар насиб қилди.
Кейин эса чизиқлар бўйича энг яхши деб топилган футболчиларга совринлар топширилди. Ёш футболчилар «Энг яхши дарвозабон»га аталган совринни Санжар Қувватовдан, «Энг яхши ҳимоячи» учун совринни Дилявер Ваниевдан, «Энг яхши ярим ҳимоячи»га аталган совринни Габит Сапаргалиевдан, «Энг яхши ҳужумчи» учун совринни Игорь Петковичдан, «Энг яхши тўпурар»га аталган совринни Самандар Шомдновдан ҳамда «Турнирнинг энг яхши футболчиси» учун аталган совринни жамоамиз бош мураббийи Владимир Фомичевдан қабул қилиб олишди.
Қолаверса, «Машъал» бош директори Илҳом Қурбонов Баҳром Вафоевнинг укаси Комил Ягмировга ҳам футбол клубимиз номидан эсдалик совға топширди. Тадбир охирида давлтимиз мадҳияси садолари остида турнир байроғи туширилди.
БАРЧА ЎЙИНЛАР
«А» гуруҳи – «Машъал-99» (Муборак), «Бухоро» (Бухоро), «Навбаҳор» (Касби);
«В» гуруҳи – «Бунёдкор» (Тошкент), «Шўртан» (Ғузор), «Умид-2000» (Туркманистон);
«С» гуруҳи – «Насаф» (Қарши), «Шофиркон» (Бухоро), «Машъал-2000» (Муборак);
«D» гуруҳи – «Бинокор» (Қарши), «Навоий» (Навоий), «Умид-99» (Туркманистон).
Ўйинлар тақвими:
14 апрель. «Машъал-99» - «Бухоро» - 5:1
14 апрель. «Шўртан» - «Умид-2000» - 3:3
14 апрель. «Насаф» - «Машъал-2000» - 3:0
14 апрель. «Умид-99» - «Навоий» - 1:3
15 апрель. «Машъал-99» - «Навбаҳор» - 2:0
15 апрель. «Бунёдкор» - «Шўртан» - 3:1
15 апрель. «Насаф» - «Шофиркон» - 3:4
15 апрель. «Бинокор» - «Навоий» - 1:1
16 апрель. «Бухоро» - «Навбаҳор» - 3:0
16 апрель. «Умид-2000» - «Бунёдкор» - 0:6
16 апрель. «Машъал-2000» - «Шофиркон» - 2:2
16 апрель. «Умид-99» - «Бинокор» - 0:2
17 апрель. «Машъал-99» – «Шўртан» – 4:1
17 апрель. «Бунёдкор» – «Бухоро» – 3:3 (пенальтилар - 5:3)
17 апрель. «Шофиркон» - «Бинокор» - 2:2 (пенальтилар - 5:4)
17 апрель. «Навоий» - «Насаф» - 2:3
17 апрель. «Навбаҳор» - «Умид-2000» - 1:1 (пенальтилар - 5:4)
17 апрель. «Машъал-2000» - «Умид-99» - 1:1 (пенальтилар - 0:3)
18 апрель. «Машъал-99» - «Шофиркон» - 4:1
18 апрель. «Бунёдкор» - «Насаф» - 0:0 (пенальтилар – 3:4)
18 апрель. «Навбаҳор» - «Умид-99» - 0:3
19 апрель. 3-ўрин учун баҳс. «Бунёдкор» - «Шофиркон» - 3:1
19 апрель. ФИНАЛ. «Машъал-99» - «Насаф» - 2:2 (пенальтилар бўйича – 5:3)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
