Мбаппе, Ҳоланд? Мувозанатни ўзгартирган футболчи — Винисиус Жуниор! (2-қисм)
Ўша даврда “Фламенго”даги жавоҳирни биринчилардан бўлиб “МЮ” илғагани айтилади. Аммо Эд Вудворд ёш футболчи учун 45 миллион евро жуда катта маблағ деб ҳисоблаб бу хариддан воз кечади. Бироқ “Реал Мадрид” ва Флорентино Пересни бу рақамлар билан чўчитиб бўлмаcди. 2018 йил ёзида амалга оширилган трансфер ҳақида бир йил илгари маълум бўлиб улгурганди. “Реал Мадрид” ёш Винисиус Жуниорни бошқа клуб илиб кетмаслигини жуда истарди. Шу боис “Фламенго”га дарҳол кафолат берилди ва маълум муддат ўтгач, Вини 18 ёшга тўлиши биланоқ Мадридга кўчиб келди.
У Испанияга келган давр “қироллик клуби” қиролидан айрилган даврга тўғри келди. Бразилия ва Испания чемпионатлари орасидаги фарқни тушунтириб ўтириш шарт эмас менимча. Вини дастлаб “Кастилья” таркибида ўйинлар ўтказди. Орада футболчига 5-6 дақиқа тақтид этиб турилди. Масалан, 2018 йил 29 сентябрь куни у мадридликлар таркибида расмий дебютини ўтказди ва шу заҳоти клуб тарихига кирди. Винисиус Жуниор XXI асрда туғилганлар орасида “Реал” тарикида майдонда ҳаракат қилган илк футболчига айланди.
Дастлабки мавсумда ҳали жисмонан жуда нимжон бўлган Вини тезлигини бошқаришда ҳам муаммога дуч келарди. Чап қанот вингери сифатида тўп билан бўлар экан кўпинча унинг учун майдон торлик қилиб қоларди. Технал экани кўринсада финтлари амалиётда камдан-кам самара берарди. У Лопетеги ва Солари мураббийлигида ўтган даврда жамоада нималар бўлаётганини тушунишга ҳам қийналган бўлса керак. Бир мавсум мобайдинида 3 мураббий билан ишлаш ёш Жуниорнинг хаёлига ҳам келмаганди. Ниҳоят, 2019 йил мартида клубни қабул қилиб олган Зинедин Зидан таркибдаги ёшларга эътибор қарата бошлади.
Винисиус Жуниор Карим Бенземанинг клубда биринчи рақамли футболчига айланишига жонли тарзда гувоҳ бўлар экан францияликка майдонда ёрдам керак эканини англаб турарди. Бироқ, ўзига имкон берилганда ҳаракатларидан кўнгли тўлмас ва натижада руҳан тушкунликка тушиб қолганди. Айтишларича, 2021 йил аввалида Зидан мавсум тугатиб жамоадан кетишини ошкор қилган ва клуб ўша вақт “Эвертон”да бўлган Карло Анчелотти билан олдидан келишиб қўйган экан. Ўз навбатида қария Карло ҳали Зидан давридаёқ Винисиус билан мулоқот ўрнатиб унга керакли маслаҳатларни берган дейишади. Масалан, шахсий руҳшунос ва жисмоний тайёргарлик мураббийи билан ишлаш таклифи айнан италиялик мутахассисдан чиққан дейилади. Хуллас, руҳшунос ва фитнес мураббий кўмагида ўзини депрессиядан олиб чиқолган Винисиус ўтган мавсумнинг иккинчи қисмини ажойиб тарзда ўтказиб, жорий мавсумга супер кириш қилди. Ҳозир унинг ҳисобида Ла Лигада 12 голдан ташқари 4 та ассист бор.
Давоми бор...
Ориф Толипов.
Манба: https://t.me/tolipovuz
Киритилди: 10:30, 13.04.2022. Ўқилди: 3673 марта. Фикрлар: 32 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Сурхон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
